قازاقستاندا سوتتالعاندارعا ارنالعان ەلەكتروندى بىلەزىك تاعۋ جۇيەسى سىناقتان ءوتتى
«ءبىز قىلمىستىق- اتقارۋ جۇيەسى كوميتەتى ءۇشىن ارنايى جۇيە جاساپ شىعاردىق. ماسەلەن، قىلمىس جاساپ، تۇرمەدە وتىرعان ادامداردى تۇرمەدە ۇستاماي- اق قويسا بولادى. دەمەك، اۋىر قىلمىس جاساماعان ادام ۇيىنەن شىقپاي- اق جازاسىن وتەي الادى. ياعني، ءبىز ولارعا ارنايى بىلەزىك جاسايمىز. ءبىز وتكەن جىلى عارىش تەحنولوگياسىنىڭ ينستيتۋتىندا وسى بىلەزىكتى جاسادىق. يزرايلدىقتارمەن، امەريكالىقتارمەن كونكۋرسقا بارىپ، جەڭدىك. بىلەزىكتىڭ جوباسى ارقىلى باعدارلاما جاسادىق»، - دەيدى قازاقستاندىق عارىش سپۋتنيكتەرىنىڭ مۇمكىندىگىن تانىستىرعان ق ر قورعانىس جانە ايەروعارىش ونەركاسىبى ءمينيسترى بەيبىت اتامقۇلوۆ.
مينيستر بىلەزىك بويىنشا ءۇش اي بويى پيلوتتىق جوبا جۇرگىزىلگەنىن ايتادى.
«جوبا بارلىعىنىڭ دا كوڭىلىنە قونعان سەكىلدى. ق ر ءى ءى م- ءنىڭ شەشىمىن ءبىر جىل بويى كۇتىپ وتىرمىز. البەتتە، بۇل ءۇشىن شەتتەن قوسىمشا بولشەكتەردى قولدانامىز. ءبىراق، بۇنىڭ بارلىعى نەگىزىنەن وتاندىق باعدارلامالار»، - دەيدى مينيستر.
ەسكە سالا كەتسەك، بۇگىن ق ر پارلامەنتى سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتورايىمى داريعا نازاربايەۆا باستاعان كوميتەت مۇشەلەرى استانانىڭ ىرگەسىندە تۇرعىزىلىپ جاتقان ۇلتتىق عارىش ورتالىعىندا بولىپ، اتقارىلىپ جاتقان جۇمىستارمەن تانىسقان بولاتىن. كوميتەت مۇشەلەرى ورتالىقتا تاجىريبەلىك ءوندىرىسى بار عارىشتىق تەحنيكانى قۇراستىرۋشىلىق- تەحنولوگيالىق بيۋروسىن ارالادى.
اۆتور: ايان بەكەن ۇلى
