سۋىق تيگەندە نە جەۋگە بولمايدى؟

 اۋىرعاندا كەي ازىق- تۇلىك پەن سۋسىندار اعزانى ناشارلاتادى. اۋىرىپ قالعاندا جىلدام جازىلۋ ءۇشىن جەۋگە بولمايتىن تاعامدارعا توقتالايىق. كوفە كەز كەلگەن اۋرۋ كەزىندە، سونىڭ ىشىندە اس قورىتۋدىڭ بۇزىلۋى كەزىندە كوفەدەن باس تارتقان ءجون. كوفە قۇرامىنداعى كوفەيننىڭ نەسەپ ايداعىش ەففەكتى بار. كوفە ىشكەن سايىن، كىشى دارەتكە ءجيى باراسىز. ول سۋسىزدانۋعا، ياعني اعزانىڭ قۇرعاۋىنا اكەلەدى. سۋ تەڭگەرىمى يممۋنيتەتتىڭ جۇمىس ىستەۋىنە اسەر ەتەدى. سوندىقتان اعزانىڭ سۋسىزدانۋى كەز كەلگەن ۆيرۋستى اۋرۋ نەمەسە ينفەكتسيا كەزىندە وتە زيان.

اپەلسين شىرىنى ەگەر جوتەل بولسا نەمەسە تاماعىڭىز اۋىرسا، اپەلسين شىرىنىن ىشپەگەن ءجون. ول تۇماۋ كەزىندە تاماقتى تىتىركەندىرۋى مۇمكىن. اپەلسين شىرىنىنىڭ قۇرامىندا ليمون قىشقىلى بولادى، ول ءىسىپ تۇرعان شىرىشتى تاماقتى تىتىركەندىرىپ، اۋىرىپ تۇرعان تاماق قالپىنا كەلۋى ۇزاققا سوزىلادى.

تاتتىلەر كەز كەلگەن اۋرۋ كەزىندە تاتتىلەردەن باس تارتۋ كەرەك. تازارتىلعان قانت باكتەريانى جوياتىن اق قان جاسۋشالارىن (لەيكوتسيت) ۋاقىتشا باسىپ تاستاۋى مۇمكىن. ءتاتتىلى ۇلپەكتەن سوڭ يممۋنيتەت بىرنەشە ساعاتقا السىرەيدى.

كولا جانە كوفەينى بار باسقا دا گازدالعان سۋسىن كەز كەلگەن اۋرۋ كەزىندە كوفەينى بار گازدالعان سۋسىننان باس تارتىڭىز. ونىڭ كوفە سەكىلدى نەسەپ ايداعىش ەففەكتى بولادى. سونىڭ سەبەبىنەن ول دا اعزانى سۋسىزداندىرادى. سونىمەن قاتار، مۇنداي سۋسىنداردا قانت مولشەرى وتە كوپ. ول يممۋنيتەت جۇمىسىن السىرەتەدى.

قىتىرلاق ءدامتاتىمدار قىتىرلاق كارتوپ (چيپسى) سەكىلدى تاعامداردى جوتەل جانە تاماق اۋرۋى كەزىندە جەمەگەن دۇرىس. قىتىرلاق تاعامدار تاماقتى تىتىركەندىرەدى. سوندىقتان ول ۇزاققا دەيىن جازىلىپ بولمايدى. ءسۇت مۇرنىڭىز بىتەلىپ قالسا جانە قاقىرىق كەتپەي جاتسا، ءسۇت ىشپەگەن ءجون. ءسۇتتى تاعامداردان سوڭ قاقىرىق كوپ مولشەردە شىعىپ، جاعىمسىز بولا تۇسەدى. سوندىقتان قاقىرىق كەتكەنشە ءسۇت ىشپەي كۇتە تۇرىڭىز.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى