استانادا ەلەكتر اۆتوموبيلدەردى تەگىن قۋاتتاۋعا بولادى

ستانسيادا بارلىعى جانارمايى، گاز جانە ديزەلدىك وتىنى بار 16 باعانا ورناتىلعان. ولاردىڭ تورتەۋى ەلەكتر كارلاردى قۋاتتاۋعا ارنالعان.

«جاڭا جانارماي قۇيۋ ستانسياسىنىڭ كليەنتتەرى ەلەكتر موبيلدەردى قۋاتتاي الادى. قۋاتتاۋ ۋاقىتى 40-تان 60 مينۋتقا دەيىن جالعاسادى»، - «Аstana ӘКК ҰК» ا ق- نىڭ ينۆەستيتسيالىق جوبالار دەپارتامەنتى ديرەكتورىنىڭ ورىنباسارى ارتەم كۆاشۋك.

ەلورداداعى جاڭا جانارماي ستانتسيالارىنىڭ قۇرىلىسى «Аstana ӘКК ҰК» ا ق مەن «Autogas Retail» ج ش س اراسىنداعى بىرلەسكەن جوبانىڭ اياسىندا جۇرگىزىلىپ جاتىر.

«جوبا جاڭا فورماتتاعى جانارماي قۇيۋ ستانسيالارى كەشەنىن سالۋدى قاراستىرادى. مۇنداي ستانسيالار كوپتەگەن قىزمەتتەردى كورسەتەدى. كليەنتتەر بۇل جەردە، سونداي- اق، وزدەرىنىڭ ەلەكتر موبيلدەرىن دە قۋاتتاي الادى»، - دەدى ا. كۆاشۋك.

سونىمەن قاتار، جانارماي قۇيۋ ستانسياسى بىرنەشە كۇن پانەلىنىڭ ەسەبىنەن جارىقتاندىرىلادى.

«مۇنداعى قۋات كوزدەرىن تۇتىنۋ ەنەرگيا ۇنەمدەۋشى شامداردىڭ ەسەبىنەن ءتيىمدى بولماق»، - دەپ اتاپ ءوتتى ول.

 جاڭا جانارماي قۇيۋ كەشەنى - بىرلەسكەن جوبا اياسىندا اشىلعان العاشقى ستانسيا. كەلەسى جىلدىڭ قاڭتارىندا وسىنداي ەكى ستانسيا جۇمىسىن باستايتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى