حالىقارالىق «قازاقپارات» اگەنتتىگى ۇلتتىق وليمپيادا كوميتەتىمەن ىنتىماقتاستىق تۋرالى مەموراندۋمعا قول قويدى
كەلىسىمگە قازاقستان رەسپۋبليكاسى ۇلتتىق وليمپيادا كوميتەتىنىڭ باس ديرەكتورى سەرىك قاسقاباسوۆ جانە «قازاقپارات» ح ا ا باس ديرەكتورى اسقار ۋماروۆ قول قويدى.
ىنتىماقتاستىق اياسىندا قازاقپارات «سپورت-ينفورم» سپورتتىق اقپارات اگەنتتىگى ارقىلى ۇلتتىق وليمپيادا كوميتەتىنە قازاقستاندىق اتلەتتەر قاتىساتىن جارىستاردان، سونداي-اق، ۇ و ك- ءنىڭ باسشىلىعىمەن وتەتىن بارلىق شارالاردان حابار تاراتۋ بويىنشا قولداۋ كورسەتەدى.
قوس تاراپ قازاقستاندا وليمپيادالىق قوزعالىس پەن وليمپيادالىق قۇندىلىقتاردى ناسيحاتتاۋ، قازاقستاندىق سپورتشىلار مەن وليمپيادالىق سپورت تۇرلەرىنەن ق ر ۇلتتىق قۇراما كوماندالاردىڭ جەتىستىكتەرى تۋرالى اقپاراتتىق-ناسيحاتتاۋ جۇمىستارىن بىرلەسىپ جۇزەگە اسىرۋ تۋرالى ۋاعدالاستى.
«كەلەر جىلى قازاقستان رەسپۋبليكاسى ۇلتتىق وليمپيادا كوميتەتى ءۇشىن اقپاراتتىق اشىقتىق ساياساتى ەرەكشە ماڭىزدى بولماق. بۇل ق ر ۇ و ك پرەزيدەنتى تيمۋر قۇلىبايەۆتىڭ العا قويىپ وتىرعان تاپسىرمالارىنىڭ ءبىرى. 2018-جىلدان باستاپ دەنە شىنىقتىرۋ جانە سپورت تۋرالى زاڭعا ەنگىزىلگەن وزگەرىستەر كۇشىنە ەنەدى. وعان سايكەس ۇلتتىق وليمپيادا كوميتەت پەن ۇلتتىق سپورتتىق فەدەراتسيالارعا جاڭا وكىلەتتىلىكتەر بەرىلەدى. سونىمەن قاتار قىسقى وليمپيادا ويىندارىنا ءبىر ايدان استام عانا ۋاقىت قالدى. وسى كەلىسىمنىڭ اياسىندا قازاقستاندىق سپورتشىلاردىڭ وڭتۇستىك كورەيادا وتەتىن الەمدىك دودادا ونەر كورسەتۋىنەن تولىققاندى اقپاراتتاندىرۋ جۇمىسى بولاتىنىنا سەنىمدىمىن»، - دەدى سەرىك قاسقاباسوۆ.
ايتا كەتەلىك، «قازاقپارات» ح ا ا ۇ و ك- ءتىڭ «رەسمي اقپاراتتىق ارىپتەسى» مارتەبەسىن العان العاشقى ب ا ق وكىلدەرىنىڭ ءبىرى بولدى.
اۆتور: كۇنسۇلتان وتارباي
