ەرەكشە داۋىس يەسى دانەليا تولەشوۆا ۇلتىنا قاتىستى سۇراقتارعا جاۋاپ بەردى
بۇل سۇراققا جاس تالانتتىڭ ءوزى بلوگەر بەيبىت الىبەكوۆكە بەرگەن سۇحباتىندا جاۋاپ بەردى.
«مەن قازاقستاندىقپىن، ءيا قازاقپىن»، - دەپ باستادى ءسوزىن دانەليا.
قاتەلەسپەسەم، اجەڭ ورىس ۇلتىنان؟» - دەگەن جۋرناليست ساۋالىنا ول:
«شىنىمدى ايتسام، ول تۋرالى سۇراماپپىن، مەنى ول اسا قىزىقتىرمايدى. قازاقستان - مەنىڭ وتانىم. مەنىڭ ويىمشا، سەن قاي ەلدە ءومىر سۇرسەڭ، قاي مەملەكەتتە جۇمىس ىستەپ، قاي ەلدى جاقسى كورسەڭ، دەمەك سەنىڭ ۇلتىڭ دا ەلىڭە ساي بولادى»، - دەپ ءتۇسىندىردى دانەليا.
جاس تالانت يەسى شەت مەملەكەتتەن كەلگەنىنە قاراماستان، ۇلكەن قولداۋ كورسەتكەن ۋكراينا حالقىنا دەگەن ريزالىشىعىن جەتكىزدى.
«ۋكراينا حالقىنا العىسىم شەكسىز. ماعان ەشكىم داۋىس بەرمەيتىن شىعار دەپ ويلاعانىم راس. ءبىراق شىن مانىندە ۋكراينا حالقى ماعان جانكۇيەر بولىپ، كوپ داۋىس بەردى. كوپ راقمەت ايتامىن»، - دەيدى دانەليا.
«گولوس. دىتي» شوۋىنىڭ فينالىندا دانەليا ۋكراين تىلىندە ءان ايتىپ، قازىلار القاسى مەن كورەرمەندەردى جىلاتقان بولاتىن. بۇل رەتتە كوپشىلىكتى تولعاندىراتىن ءبىر سۇراق: دانەليا قازاقشا ءان ايتا ما؟ بۇل ساۋالعا ءانشىنىڭ ءوزى جاۋاپ بەرسىن.
«قازاقشا اندەر ايتامىن. انا تىلىمدە ءان جازۋ جوسپارىمدا بار. قازىرگى ۋاقىتتا انام ەكەۋمىز كەرەمەتتەي حيت جازىپ بەرەتىن كومپوزيتور ىزدەپ جاتىرمىز»، - دەگەن دانەليا ءسوز سوڭىندا جەر بەتىندە بارلىق بالالار مەن سياقتى باقىتتى بولسا ەكەن دەپ تىلەگىن ايتتى.
