الماتىدا وليمپيادا چەمپيونىنىڭ قۇرمەتىنە تۋرنير ءوتتى

2000-جىلعى وليمپيادا چەمپيونىنىڭ قۇرمەتىنە وتكىزىپ جۇرگەن جارىس 2014-جىلدان باستاۋ الادى. ءتورت جىلدان بەرى تۇراقتى تۇردە وتكىزىلىپ كەلەدى.

اشىلۋ سالتاناتىندا ولگا شيشيگينا مەن الماتى قالالىق جەڭىل اتلەتيكا فەدەراتسياسىنىڭ پرەزيدەنتى مۇحيت ازىربايەۆ قاتىسۋشىلارعا ساتتىلىك تىلەدى.

جارىس رەسپۋبليكالىق كوللەدجىڭ جەڭىل اتلەتيكا مانەجىندە ۇيىمداستىرىلادى. نەگىزىنەن تۋرنيرگە بالالار جانە جاس وسپىرىمدەر قاتىسادى. الايدا كەزىندە ولگا شيشيگينانىڭ ءوزى ونەر كورسەتكەن 60 مەترگە توسقاۋىلدار ارقىلى جۇگىرۋ سايىسىنا ەرەسەك اتلەتتەر قاتىستى. بۇل جولى وسى قاشىقتىقتا تانىمال قازاقستاندىق جەڭىل اتلەت ايگەرىم شىنازبەكوۆا جەڭىسكە جەتتى. ايگەرىمنىڭ ۋاقىت كورسەتكىشى - 8 سەكۋند.

تۋرنيردىڭ رەگلامەنتى بويىنشا الماتى قالاسى مەن وبلىسىنىڭ جاسوسپىرىمدەرى قاتىسۋى كەرەك. سپورتشىلار 60، 300، 600 مەترگە جۇگىرۋ، 60 مەترگە توسقاۋىلدار ارقىلى جۇگىرۋ، ەستافەتا، ۇزىندىققا جانە سىرىقپەن سەكىرۋدەن باقتارىن سىنادى.

جەڭىمپازدار مەن جۇلدەگەرلەردى ولگا شيشيگينا ماراپاتتادى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى