شەتەلدەگى قانداستارىمىزدىڭ تىنىس- تىرشىلىگىن كورسەتىن «قيىرداعى قازاقتار» دەرەكتى فيلمىنىڭ تيزەرى جارىق كوردى

بۇل تۋرالى Qazcontent ا ق باسقارما ءتوراعاسى ە. د. كوچەتوۆ ءوزىنىڭ فەيسبۋك پاراقشاسىندا مالىمدەدى، دەپ حابارلايدى Baq.kz اقپارات اگەنتتىگى.

دەرەكتى فيلمنىڭ باستى ماقساتى شەتەلدەگى قانداستارىمىزدىڭ تىنىس- تىرشىلىگىن كورسەتۋ. جۋىق ارادا فيلمنىڭ ءبىرىنشى سەرياسى جارىققا شىعادى، العاشقى توقتاعان ەل - رەسەي. موڭعوليا قازاقتارى تۋرالى فيلمدە ءتۇسىرىلىم جۇمىستارىن اياقتاپ، مونتاجدالىپ جاتىر. فيلم كەلەر جىلى وزبەكستان، تاجىكستان ەلدەرىندە جالعاسىن تاباتىن بولادى.

«2017 -جىلدىڭ شىلدە ايىندا اقپارات ءمينيسترى داۋرەن ابايەۆ مىرزا شەتەلدەگى قازاقتاردىڭ تاريحى مەن كۇندەلىكتى ءومىرىن كورسەتەتىن اۋقىمدى جوبانىڭ باستالعانىن مالىمدەپ ەدى. ارنايى بريفينگ وتكىزدىك. سول ۋاقىتتان بەرى الىس- جاقىن شەت ەلدەردە ءتۇسىرىلىم جۇمىستارى جۇرگىزىلدى. سونىمەن، «Qazcontent» ا ق «قيىرداعى قازاقتار» فيلمىنىڭ تيزەرىن نازارلارىڭىزعا ۇسىنادى. «قازاقستان تاريحى» ينتەرنەت- پورتالىنىڭ جەتەكشىسى ولجاس بەركىنبايەۆ پەن جوبا ۇجىمى قىرۋار شارۋانى ءبىتىرىپ، مىڭداعان شاقىرىمداردى ارتقا تاستاپ، وزگە ەلدەگى قانداستارىمىزدىڭ تىنىس- تىرشىلىگىن كورسەتىپ وتىر. جۋىق ارادا ءبىزدىڭ فيلمنىڭ ءبىرىنشى سەرياسى جارىققا شىعادى. ال، ازىرشە، الدىمىزداعى ءبىرىنشى ايالداما - رەسەي» - دەپ جازدى باسقارما ءتوراعاسى ءوز پاراقشاسىندا.

ەستەرىڭىزگە سالا كەتەيىك، ۇستىمىزدەگى جىلدىڭ شىلدە ايىندا و ك ق- دە ق ر اقپارات جانە كوممۋنيكاتسيالار ءمينيسترى داۋرەن ابايەۆتىڭ قاتىسۋىمەن شەتەلدەگى قازاقتاردىڭ تاريحى مەن كۇندەلىكتى ومىرلەرىن كورسەتەتىن اۋقىمدى جوبانىڭ باستالعانىن مالىمدەگەن بريفينگ وتكەن ەدى. سول ۋاقىتتان بەرى الىس- جاقىن شەت ەلدەردە ءتۇسىرىلىم جۇمىستارى جۇرگىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى