اياقتى قابىرعاعا كوتەرىپ جاتۋدىڭ پايداسى

 بۇل جاتتىعۋدى ۇزاق جاساۋدىڭ قاجەتى جوق، وعان 15 مينۋت جەتەدى. جاتتىعۋدى 5 مينۋتتان باستاپ كۇنىنە 2 مينۋتتان قوسۋ ارقىلى كوبەيتىڭىز. باستاپقى كەزدە تەز جالىقتىراتىنداي كورىنگەنىمەن، شىدامدىلىق بىلدىرسەڭىز، دەنەنى بوساڭسىتۋعا ۇيرەنەسىز. بۇل قالىپ كۇنى بويى تۇرعاندا نەمەسە وتىرعاندا دەنەنىڭ تومەنگى جاعى ىستەيتىن قوزعالىستى «اۋىستىرىپ» جىبەرۋگە كومەكتەسەدى. ونىڭ پايداسى كوپ. بۇل توڭكەرىلگەن جاتتىعۋ اياقتا جينالعان سۇيىقتىقتى تاسىپ، جالپى قالىپقا كەلۋگە جانە دەنەنىڭ تومەنگى بولىگىندەگى جۇكتەمەنى كەتىرىپ، تىزە استىنداعى ءسىڭىردى سوزۋعا كومەكتەسەدى. ەگەر جۇگىرۋدەن سوڭ نەمەسە كوپ قوزعالىستان كەيىن باسىڭىز اينالىپ كەتسە، وسى جاتتىعۋ كومەكتەسەدى. مۇنداي جاتتىعۋ اياقتى بوساڭسىتۋعا عانا ەمەس، سونىمەن قاتار مويىن مەن ارقاداعى سالماقتى تۇسىرۋگە كومەكتەسەدى. قابىرعاعا اياقتى كوتەرىپ جاتۋ كۇندە كومپيۋتەردە وتىرۋدان پايدا بولعان بۇكىرلىكتى كەتىرەدى. بۇل جاتتىعۋدىڭ تاعى ءبىر ارتىقشىلىعى 10-20 مينۋت جەكە ۋاقىتىڭىز بولىنەدى. قازىرگى تەحنولوگيا دامىعان كەزدە وزىڭىزگە ارنالعان ۋاقىت تابىلا بەرمەيدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى