بارلىعى يادرولىق وتىندى بىزدەن الادى - نۇرسۇلتان نازاربايەۆ

 پرەزيدەنتتىڭ ايتۋىنشا، يادرولىق ەلەكتر ستانسيالارىنا قاجەتتى وتىندى ءوندىرۋ ءۇشىن ۋراندى 20 پايىزعا بايىتقان جەتكىلىكتى. ودان ارتىق بولىپ كەتسە، يادرولىق قارۋعا اينالادى. بۇگىندە يادرولىق ەنەرگيا مەن قارۋ ءۇشىن ۋراندى بايىتۋدىڭ تەحنولوگياسى ءبىر بولعاندىقتان، الەمدىك دەرجاۆالار ءبىر- بىرىنە سەنبەيدى، ۋراندى بايىتۋ تەحنولوگياسىن بارىنشا باقىلاۋعا تىرىسادى. ونداي پروبلەمانى يراننىڭ يادرولىق باعدارلاماسى دا ايقىن كورسەتتى. ال قازاقستانداعى يادرولىق وتىن بانكىنەن كەز كەلگەن مەملەكەت يادرولىق ستانسياعا قاجەتتى شيكىزاتتى الا الادى.

«سوندىقتان يادرولىق وتىن بانكىن اشۋ ارقىلى الەم قاۋىمداستىعى بىزگە سەنىم ءبىلدىرىپ وتىر. ونداي قىزمەتتى كەز كەلگەن مەملەكەتكە بەرىپ جاتقان جوق. سەبەبى ءبارىن بىردەي باقىلاي المايسىڭ. ۋراندى بايىتۋدىڭ تەحنولوگياسىن ءبارى بىلەدى. يادرولىق بومبانى جاساپ شىعارۋى ابدەن مۇمكىن. ال وتىن بانكى ءبىر جەردە بولسا، يادرولىق قاۋىپسىزدىك تە، تىنىشتىق تا بولادى»، - دەپ اتاپ كورسەتتى مەملەكەت باسشىسى.

 ايتا كەتەيىك، ءوز سۇحباتىندا مەملەكەت باسشىسى بيۋدجەت اقشاسى بانكتەرگە نە ءۇشىن بەرىلىپ جاتقانىن دا ءتۇسىندىردى. ءوز سوزىندە مەملەكەت باسشىسى ب ت ا بانكىن ەسكە الدى. بۇدان بولەك، نۇرسۇلتان نازاربايەۆ قالتالى ازاماتتاردى ورالماندارعا كومەك بەرۋگە ۇندەدى. پرەزيدەنتتىڭ ويىنشا، ۇلكەن قالالاردا ەلەكتروموبيلدەردى كوپتەپ جۇرگىزۋ كەرەك. سونداي- اق، سۇحبات كەزىندە مەملەكەت باسشىسى «استانا»  قارجى ورتالىعىنىڭ پايداسىن قاراپايىم تىلدە ءتۇسىندىردى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى