ساعىنتايەۆ قىرعىزستان پرەزيدەنتىمەن ىنتىماقتاستىق ماسەلەلەرىن تالقىلادى
باقىتجان ساعىنتايەۆ وسى ءساتتى پايدالانىپ، سوورونباي جەەنبەكوۆتى قىرعىزستانداعى پرەزيدەنتتىك سايلاۋداعى جەڭىسىمەن قۇتتىقتادى.
كەزدەسۋ بارىسىندا كەشە استانادا قازاقستان پرەزيدەنتى نۇرسۇلتان نازاربايەۆ پەن قىرعىزستان پرەزيدەنتى سوورونباي جەەنبەكوۆ اراسىندا جاسالعان كەلىسىمدەردى جۇزەگە اسىرۋ بارىسى، سونداي- اق، ەكىجاقتى ەكونوميكالىق ىنتىماقتاستىقتىڭ جول كارتاسى اياسىندا ءىس- شارالاردى جۇزەگە اسىرۋ ماسەلەلەرى تالقىلاندى.
ساۋدا- ەكونوميكالىق ىنتىماقتاستىقتىڭ وزەكتى ماسەلەلەرىنە جانە ونى ودان ءارى ارتتىرۋ الەۋەتىنە ايرىقشا نازار اۋدارىلدى. كەزدەسۋ بارىسىندا، سونداي- اق، قازاقستان- قىرعىزستان ءوڭىرارالىق فورۋمىن وتكىزۋ، قازاقستان مەن قىرعىزستاننىڭ ىسكەرلىك كەڭەسىن قۇرۋ ارقىلى وڭىرلىك جانە شەكارا ماڭىنداعى ءوزارا ءىس- قيمىلدى نىعايتۋ ماڭىزدىلىعى اتالىپ ءوتتى.
ايتا كەتەرلىگى، بيىل قازاقستان مەن قىرعىزستان اراسىنداعى تاۋار اينالىمىنىڭ كولەمى 2016 - جىلدىڭ وسى كەزەڭىمەن سالىستىرعاندا 13,3 پايىزعا ءوسىپ، $598 ميلليون قۇرادى.
