جىلدىڭ ۇزدىك سپورت جۋرناليستەرى بەلگىلى بولدى

ب ا ق اراسىندا وتكىزىلگەن بايقاۋعا ماتەريالدار ءبىر اي بويى قابىلداندى. ەڭ مىقتى سپورت جۋرناليستەرىن انىقتاۋ ءۇشىن ارنايى كوميسسيا قۇرىلدى. القا قۇرامىندا: ءدۇرالى دۇيسەباي، قىدىربەك رىسبەك، تولەگەن جاقتايەۆ باستاعان سپورت جۋرناليستيكاسىنىڭ ارداگەرلەرىمەن قاتار، قازاقستان سپورت باسىلىمدارى قاۋىمداستىعىنىڭ ۆيتسە-پرەزيدەنتى نۇرعازى ساسايەۆ پەن «حابار» اگەنتتىگىنىڭ ءتىلشىسى امانگەلدى سەيىتحان بولدى.

بيىل بايقاۋعا دەگەن قىزىعۋشىلىقتىڭ ارتۋىنا، كەلىپ تۇسكەن ماتەريالدار سانىنىڭ كوپتىگىنە بايلانىستى القا قۇرامى 3 جەڭىمپازدىڭ ورنىنا 4 سپورت جۋرناليسىن اتاققا لايىقتى دەپ تانىدى، دەلىنگەن حابارلامادا.

«باسپا باسىلىمىنىڭ ەڭ ۇزدىك جۋرناليسى» اتالىمىندا «ەگەمەن قازاقستان» گازەتىنىڭ جۋرناليسى ءالي بيتورە مەن «ايقىن» گازەتىنىڭ ءتىلشىسى جادىرا اققايىر جەڭىمپاز دەپ تانىلسا، «ەڭ ۇزدىك تەليەۆيزيالىق جۇمىس اۆتورى» اتالىمىندا لاريسا گرەچيحينا («حابار24») مەن اقسىندار تابىلدىنىڭ («قازاقستان ۇ ت ا - Mangystay)» جۇمىستارى ۇزدىك دەپ تانىلدى.

بايقاۋ جەڭىمپازدارى 2018-جىلى سەيداحمەت بەردىقۇلوۆ اتىنداعى فۋتبولدان وتەتىن ميني-تۋرنير بارىسىندا سالتاناتتى تۇردە ماراپاتتالادى. جۇلدەگەرلەر س. بەردىقۇلوۆ اتىنداعى ارنايى توسبەلگى، ديپلوم جانە اقشالاي سىيلىققا يە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى