قازاقستان قىرعىز ەلىمەن جاقسى كورشى بولۋعا مۇددەلى - ەلباسى

«ءبىزدىڭ باعىتىمىز بەلگىلى. قىرعىز ەلى، حالقى بىزگە وتە جاقىن. ءتىل، مادەنيەت، ادەت- عۇرىپ جاعىنان دا باياعىدان بەرى كەلە جاتقان جاقىندىعىمىز بار. زيالى قاۋىمنىڭ، جازۋشىلاردىڭ، اقىنداردىڭ، جاستاردىڭ، ياعني بارشا حالىقتىڭ ءوزارا بايلانىستارى ورناعان. سوندىقتان قازاقستان قىرعىز ەلىمەن قويان-قولتىق ارالاسىپ، جاقسى كورشى بولۋعا مۇددەلى»، - دەپ اتاپ ءوتتى مەملەكەت باسشىسى.

وسى ورايدا ەلباسى قاراپايىم حالىقتىڭ ءومىرىن قيىنداتپاي، ەكى ەلدىڭ قارىم-قاتىناسىن دامىتىپ، ساۋدا-ساتتىق پەن ءوزارا بايلانىستاردى نىعايتۋ قاجەتتىگىن قاداپ ايتتى.

ايتا كەتەرلىگى، بۇگىن اقوردادا مەملەكەت باسشىسى نۇرسۇلتان نازاربايەۆ پەن قىرعىزستان پرەزيدەنتى سوورونباي جەەنبەكوۆ كەزدەستى.

ەسكە سالا كەتسەك، 22- جەلتوقسان كۇنى ەلباسى نۇرسۇلتان نازاربايەۆ ەلىمىزدەگى جەتەكشى ب ا ق وكىلدەرىنە 2017-جىلدى قورىتىندىلاۋعا ارنالعان سۇحبات بەردى. وندا قازاق قوعامىنداعى ەلەۋلى وزگەرىستەر مەن وزەكتى ماسەلەلەر تۋرالى جۋرناليستەر سۇراعىنا جاۋاپ بەردى. اتالمىش سۇحباتتىڭ تەليەۆيزيالىق نۇسقاسى كەشە رەسپۋبليكا تەلەارنالاردىڭ ەفيرىنەن كورسەتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى