قىستا جەۋ قاجەت ازىق- تۇلىك

دارۋمەندەر، مينەرالدار، امينقىشقىلدارى جانە پايدالى مايلار يممۋنيتەتتى بەكىتىپ، سۋىق تيۋدەن قورعاپ، جابىرقاۋ بولماۋىنا كومەكتەسەدى. ەندەشە، قىستا تاماقتانۋ تارتىبىڭىزدەن تابىلۋى قاجەت ازىق- تۇلىكتى ۇسىنامىز.

بالىقتىڭ مايلى تۇرلەرى تۋنەتس، ساردينا، البىرت، سكۋمبريا جانە مايشاباق قۇرامىندا ومەگا-3 كوپ قانىقپاعان ماي قىشقىلى بولادى. ولار يممۋنيتەتكە جاعىمدى اسەر ەتىپ، جۇقپالى اۋرۋلارعا قارسى تۇرۋعا كومەكتەسەدى. اسقاباق اسقاباق - پايداسىن جوعالتپاي ۇزاق ساقتالاتىن مەزگىلدىك كوكونىس. ول ا، س، ە، ۆ، ر دارۋمەندەرىنە باي. سونىمەن قاتار، اسقاباقتا تەمىر جانە كاروتين مولشەرى كوپ. ولار يممۋنيتەت جۇيەسىنە جۇقپامەن كۇرەسۋگە كومەكتەسەدى.

 اشىتقان قىرىققابات اشىتقان قىرىققابات - قۇرامىندا پايدالى زاتى كوپ كەرەمەت ءونىم. قىرىققاباتتى اشىتۋ كەزىندە ونىڭ پايدالى قاسيەتى ازايمايدى، كەرىسىنشە كوبەيەدى ەكەن. اشىتىلعان قىرىققابات ىشەك ميكروفلوراسىنا دا پايدالى.

ءىنجىر جانە جاڭعاقتار ءىنجىر مەن جاڭعاقتار كوڭىل كۇيدى جاقسارتۋعا كومەكتەسەدى. تسيترۋس تەكتەستەر اپەلسين، ليمون، ماندارين جانە باسقا دا تسيترۋستى جەمىستەردە س، ا، D، ۆ دارۋمەندەرى وتە كوپ. سونىمەن قاتار، ولاردىڭ قۇرامىندا كالي، ماگني، انتيوكسيدانتتار بار. ولار ميكروبتارمەن كۇرەسىپ، يممۋنيتەتتى بەكىتەدى.

ءسۇت ءسۇتتى «دەنساۋلىق سۋسىنى» دەپ بەكەر ايتپايدى. ونىڭ قۇرامىندا دارۋمەندەر، ميكرو جانە ماكروەلەمەنتتەر، اقۋىزدار مەن امينقىشقىلدارى - بارلىعى 80 پايدالى زات بار. ولاردىڭ بارلىعى دەنساۋلىقتى مىقتى ۇستاۋعا، يممۋنيتەتتى بەكىتۋگە، تارتىمدى سىرتقى كەلبەت جانە جاقسى كوڭىل كۇي سىيلاۋعا كومەكتەسەدى. ءسۇتتىڭ پايداسى كوبىرەك بولۋ ءۇشىن گەرمەتيكالىق كارتون قاپتاماداعى ۋلتراپاستەرلەنگەن ءسۇتتى تاڭداڭىز. مۇنداي ءسۇتتى قايناتۋدىڭ قاجەتى جوق. ازداپ ىسىتىپ، وعان كاكاو مەن قانت قوسىپ ىشسەڭىز، ول دەنەڭىزدى جىلىتىپ قانا قويماي، كوڭىل كۇيدى كوتەرۋگە دە كومەكتەسەدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى