پاۆلودار وبلىسىنىڭ بيلىگى تورەعالي تورەالىنى ءىس- شارالارعا شاقىرتۋدان باس تارتتى
دەپ حابارلايدى pavlodarnews.kz.
ۆەدومستۆودا 21 - جەلتوقساندا ەستاي اتىنداعى قالالىق مادەنيەت سارايىندا وتكەن كونسەرتتەگى تورەعالي تورەالىنىڭ مىنەز- قۇلقى ورىنسىز دەپ تانىلدى. سوندىقتان شەنەۋنىكتەر جۋىق ارادا انشىمەن بايلانىس ورناتپايدى. - ءبىز پاۆلودارداعى ءار مەرەكەدە قازاقستاندىق ەسترادا جۇلدىزدارىنىڭ ونەر كورسەتۋىنە مۇمكىندىك بەرىپ، ءجيى رەسمي شاقىرتۋلار جىبەرىپ تۇرامىز، - دەپ حابارلادى وبلىستىق مادەنيەت باسقارماسى. - ءسوز جوق، ءبىز وبلىسىمىزدا جەكە ۇيىمداستىرۋشىلاردىڭ تاراپىنان وتەتىن كوممەرتسيالىق كونسەرتتەرگە باقىلاۋ جۇرگىزە المايمىز. ال مەملەكەتتىك مەكەمەلەر وتكىزەتىن سالتاناتتى شارالارعا تورەعالي تورەالى شاقىرىلمايتىن بولادى.
بىرنەشە كۇننەن بەرى الەۋمەتتىك جەلىدە تورەعالي تورەالىنىڭ ءبىر كورەرمەنمەن ادەپسىز تۇردە سويلەسكەن ۆيدەوسى تالقىلانۋدا. كازنەت قولدانۋشىلارىنىڭ پىكىرىنشە، ءارتىس ءوز اۋديتورياسىنا سىيلاستىق تانىتپاعان. شۋ كوتەرىلگەننەن كەيىن ءارتىس جەلىگە شىعىپ Instagram ارقىلى تىكەلەي ەفيردە تىڭدارماندارىنا ءمان- جايدى تۇسىندىرۋگە تىرىستى. ول زالداعى بەلگىلى ءبىر ازاماتتىڭ ايعايى نامىسىنا تيگەندىگىن جەتكىزىپ، بولعان جاعداي ءۇشىن كەشىرىم سۇرادى. سونىمەن قاتار، تورەالى بولاشاقتا ول ازاماتتى جولىقتىراتىن بولسا، كەشىرىم سۇرايتىندىعىنا ۋادە بەردى.
