ەرلان قارين ۇلتتىق ارنانىڭ جاڭاجىلدىق باعدارلاماسىن تانىستىردى
مەرەكە قارساڭىنداعى اپتا ماڭگىلىك ماحاببات جايلى اڭىز نەگىزىندە تۇسىرىلگەن «قوزى كورپەش - بايان سۇلۋ» اتتى 6 ءبولىمدى كوركەم تەلەحيكايانىڭ تۇساۋكەسەرىنەن باستالادى.
«31 - جەلتوقسان ساعات 22:30-دا تانىمال شوۋ- بيزنەس جۇلدىزدارىنىڭ قاتىسۋىمەن جاڭا جىلدىق سيقىرعا تولى «سىڭعىرلاعان سيقىرلار» مەرەكەلىك شوۋ- باعدارلاماسى ەفيرگە جول تارتادى. اتالعان جوباعا، كامشات جولدىبايەۆا، ايگۇل يمانبايەۆا، بۇركىت، ءالي وقاپوۆ، ايقىن تولەپبەرگەنوۆ، كەش You، قانات ۇمبەتوۆ، ءاليا ابىكەن، تورەعالي تورەالى، ولجاس اباي جانە «Qazaqstan» ارناسىنىڭ تانىمال جۇرگىزۋشىلەرى جانسەرىك بەيسەيەۆ، ايسۇلۋ رىسپانوۆا، يرينا تەن، بايان باقكەلدى قىزى، نارتاي ارالباي ۇلى قاتىسادى. ەڭ كىشكەنتاي تەلەكورەرمەندەرىمىز ءۇشىن 31 - جەلتوقسان ساعات 12.35-تە ايگىلى «Walt Disney» كينوكومپانياسىنىڭ قازاق تىلىندە دۋبلياجدالعان «راپۋنتسەل» مۋلتفيلمى كورسەتىلەتىن بولادى»، - دەدى «Qazaqstan» تەلەراديوكورپوراتسياسىنىڭ باسشىسى ەرلان قارين.
سونىمەن قاتار ول مەرەكە كۇندەرى «مەن قازاقپىن» حالىقارالىق مەگاجوباسىنىڭ گالا- كونسەرتىنىڭ قايتالاۋى بولاتىنىن جانە كورەرمەنگە مەرەكەلىك كونسەرتتەر ۇسىنىلاتىنىن ايتىپ ءوتتى.
«25-29 - جەلتوقسان ارالىعىندا كۇندەلىكتى ساعات 21.45-تە ۇلتتىق ارنا كورەرمەنى قازاق مادەنيەتى مەن ونەرىنىڭ ۇلى مۇراسىنىڭ ەكرانيزاتسياسىن تاماشالاي الادى.
سەنبى كۇنى، 30 - جەلتوقساندا، ساعات 20.00-دە كاسىپكەرلىكتىڭ قىر- سىرىن اشىپ، بيزنەستىڭ وڭتايلى جولىن كورسەتكەن «ۇمىتكەر» رەاليتي- شوۋىنىڭ اقتىق شىعارىلىمى وتەدى.
سونداي- اق، جاڭا جىلدىق جوبالاردىڭ اراسىندا «ءازىل الەمى»، «تاماشا» ءازىل تەاترىنىڭ 90- جىلدارى تۇسىرىلگەن ەڭ ۇزدىك توپتامالارى، ەلىمىزدىڭ تانىمال ۆاينەرلەرى، ۆيدەوبلوگەرلەرى مەن قوعام قايراتكەرلەرىنىڭ قاتىسۋىمەن وتەتىن ارنايى «حا- حا شوۋ: جاڭا جىل 2018» جوباسى كورەرمەنگە جول تارتادى»، - دەدى ول.
