قازاقستان قىتايدان قانداي اسكەري تەحنيكالار الماق

 «قورعانىس مينيسترلىگى مەملەكەتتىڭ اسكەري قاۋىپسىزدىگى تۇرعىسىندا حالىقارالىق ىنتىماقتاستىقتى جۇرگىزۋدە. قازىرگى ۋاقىتتا ءبىز 34 ەلمەن حالىقارالىق اسكەري ىنتاماقتاستىقتى جۇزەگە اسىرۋدامىز، سونىڭ ىشىندە 17 مەملەكەتپەن جوسپارلى تۇردە اتقارىلۋدا. ەندى ازيا ەلدەرىنە توقتالساق، ياعني ق ح ر- مەن، جاپونيامەن، وڭتۇستىك كورەيامەن ىنتىماقتاستىق بايلانىس ورناتتىق. بۇل باعىتتاعى بايلانىستار ءداستۇرلى تۇردە اسكەري ءبىلىم بەرۋ سالاسىندا، جاۋىنگەرلىك دايارلىق پەن اسكەري- تەحنيكالىق سەرىكتەستىك باعىتىندا جالعاسۋدا»، - دەدى ت. مۇحتاروۆ.

ونىڭ سوزىنە قاراعاندا، بۇگىندە قىتايدا 200-دەي اسكەري قىزمەتشىلەر بىلىمدەرىن جەتىلدىرىپ كەلدى.

«اسكەري- تەحنيكالىق قاتىناستارعا توقتالساق، قىتاي تاراپى قازاقستانعا 100 ميلليون يۋاننان استام سوماعا تەحنيكالىق كومەك كورسەتتى. سودان باسقا، ءبىز بۇل ەلدەن قارۋ- جاراق ساتىپ الىپ جاتىرمىز. اتاپ ايقاندا، ۇشقىشسىز ۇشاتىن اپپاراتتارىن العانبىز، سونداي- اق اسكەري كولىكتىك ۇشاقتارىن الۋ شارالارى جۇرگىزىلۋدە» ، - دەپ ناقتىلادى ق ر قورعانىس ءمينيسترىنىڭ ورىنباسارى.



بۇدان بولەك، وڭتۇستىك كورەيادا قازاقستاننىڭ اسكەري تەڭىز كۇشتەرىنىڭ ماماندارى دايارلانۋدا.

«بۇل ەلدە 15 مامان دايارلىقتان ءوتتى. قازىر ەكەۋى سوندا ءبىلىم الىپ جاتىر. سونىمەن قاتار كورەيادان ءۇش كۇزەت كەمەلەرىن العان بولاتىنبىز» ، - دەدى مۇحتاروۆ.

ال جاپونيانىڭ قورعانىس ۆەدومستۆوسىمەن اسكەري مەديتسينا، رادياتسيالىق، حيميالىق، بيولوگيالىق قورعانىس سالاسىندا قارىم- قاتىناس قۇرۋعا ۋاعدالاستىق جاسالۋدا.

مۇنىمەن قوسا ول ۇندىستانمەن جاقسى بايلانىستار ورناعانىن، وسى ورايدا اسكەري دايارلىق، بىتىمگەرلىك باعىتتارىندا ىنتىماقتاستىق ەسكەرىلگەن. سونىمەن قاتار تۇركيادا 200-گە جۋىق كۋرسانتتار مەن وفيتسەرلەر ارنايى ءبىلىم الدى.

ايتا كەتەيىك، بۇگىنگى ۇكىمەت ساعاتى ازيا باعىتىنداعى قازاقستاننىڭ سىرتقى ساياساتىنا ارنالدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى