قازاقستاندىق سپورت كلۋبى تورەشىلەردىڭ شەشىمىنە قارسىلىقتارىن جەتكىزدى
بۇل تۋرالى Alash Pride FC كلۋبىنىڭ ينستاگرامداعى پاراقشاسىندا ايتىلدى.
«قۇرمەتتى، جانكۇيەرلەر! ءبىزدىڭ كوماندا دا تورەشىلەر شەشىمىمەن كەلىسپەيدى. ونىمەن ا س ۆ پرەزيدەنتى مايربەك حاسيەۆ تە كەلىسپەيتىنىن ايتتى. سەبەبى، ارمان دەنساۋلىعىنىڭ ناشارلاعانىنا قاراماستان، وسى جەكپە-جەككە شىعىپ، وتە ناتيجەلى ۇرىس جۇرگىزدى. قارسىلاسىن بىرنەشە رەت تەيكداۋنعا ءتۇسىرىپ، بىرنەشە رەت نوكداۋنعا جىبەرىپ، ايقىن باسىمدىقپەن جەڭدى. الايدا، تورەشىلەر ءبىز عانا ەمەس، ارەناداعى مىڭداعان كورەرمەن، ميلليونداعان تەلەكورەرمەندەر كۇتپەگەن شەشىم شىعاردى. قازىرگى ۋاقىتتا ماسكەۋدەگى ءبىزدىڭ باسشىلىق ا س ۆ باسشىلىعىمەن ارمان وسپانوۆ- الەكسەي پولپۋدنيكوۆ جەكپە-جەگىنە قاتىستى سۇراۋ سالىپ جاتىر. ناتيجەسىن كەيىن حابارلايتىن بولامىز!»، - دەپ دەلىنگەن حابارلامادا.
