استانادا وتكەن قىسقى مارافون جەڭىمپازدارى انىقتالدى - فوتو
جەكسەنبى كۇنگى مارافونعا قاتىسۋشىلاردىڭ بارلىعىنا ارنايى مەدالدار تابىستالدى. ال جۇلدەلى ورىنعا يە بولعاندارعا باعالى سىيلىقتار تاپسىرىلدى. وسىلايشا، 10 شاقىرىمدا ارمان عالىموۆ پەن اسەم مەركاجانوۆا جەڭىمپاز اتانسا، 21 شاقىرىمدا پاۆەل برودا جانە اسەل قۇسپانوۆا وق بويى وزىق شىقتى.
ال 42 شاقىرىمدا تەك ەر ازاماتتار عانا جارىستى. اتالعان قاشىقتىقتا اسقار جاڭابەرگەنوۆ ءبىرىنشى بولىپ مارە سىزىعىن كەسىپ، جەڭىمپاز اتاندى. بۇدان بولەك، ءار قاشىقتىقتا ءۇش جاس ساناتى (18-34، 35-44، 45+) بويىنشا جەڭىمپازدارعا جۇلدەلەر مەن باعالى سىيلىقتار تابىستالدى.
ايتا كەتكەن ءجون، العاش رەت وتكەن قىسقى مارافونعا قاتىسقانداردىڭ باسىم بولىگى - ەرلەر. ەڭ جاس جەلاياق بار بولعانى 9 جاستا، ال ەڭ ەگدە سپورتشى - 70 جاستا.
«قاتىسۋشىلاردىڭ اراسىندا ۇكىمەت پەن بيزنەس وكىلدەرى دە بولدى. ماسەلەن، «قازاقستاننىڭ دامۋ بانكى» ا ق ءتوراعاسى بولات جامىشەۆ 21 ك م قاشىقتىقتا، ال «BI Group» باسشىسى ايدىن راحىمبايەۆ جانۇياسىمەن 10 ك م قاشىقتىقتا جۇگىردى. نەگىزى، بۇگىن مارافون ءۇشىن وتە قولايلى اۋا- رايى بولدى. تەمپەراتۋرا بار بولعانى -4 گرادۋس، ال تاڭ اتقاننان بەرى جاۋعان قار قىسقى سپورت مەرەكەمىزدى كورىكتەندىرە ءتۇستى»، - دەيدى Astana Winter Marathon ۇيىمداستىرۋ كوميتەتىنىڭ باسپا ءسوز حاتشىسى اسەم ءابدىرايىموۆا.
«Astana Winter Marathon» جارىسى «Marathon» جۇگىرۋ كلۋبىنىڭ قۇرمەتتى مۇشەسى، گيننەس رەكوردتار كىتابىنىڭ جەتى دۇركىن رەكوردشىسى، حالىقارالىق دارەجەدەگى سپورت شەبەرى مارات جىلانبايەۆ باستاماسىمەن ۇيىمداستىرىلدى. ال استانا قالاسىنىڭ اكىمدىگى مەن ق ر جەڭىل اتلەتيكا فەدەراتسياسى اتالعان شاراعا دەمەۋشىلىك جاسادى.
