قاراعاندىدا اشىق قۇدىققا بالا ءتۇسىپ كەتكەننەن كەيىن قاقپاقتى ۇرلاعاندار ىزدەستىرىلۋدە
«قازىر قۇدىقتىڭ يەسىن انىقتاپ جاتىرمىز. ول جەردەن «قاراعاندى سۋ» كومپانياسىنىڭ كارىز قۇبىرلارى نەمەسە «قازاقتەلەكومنىڭ» بايلانىس جەلىلەرى ءوتۋى مۇمكىن. قۇدىق سول ماڭايداعى سەرىك ساپيەۆ اتىنداعى بوكس ورتالىعىنا تيەسلى بولۋى دا عاجاپ ەمەس»، - دەيدى قالالىق كوممۋنالدىق شارۋاشىلىق ءبولىمىنىڭ باسشىسى ەسكەندىر قابيدوللا.
ونىڭ ايتۋىنشا، قاراۋسىز جاتقان قۇدىقتىڭ يەسى جاۋاپقا تارتىلۋى قاجەت.
«قاقپاقتى ۇرلاعان ەكەن، بىردەن زاڭ ورىندارىنا شاعىمدانىپ، ورنىنا بىردەن جاڭاسىن قويۋ كەرەك بولاتىن. ءتىپتى بولماعان جاعدايدا قۇدىقتىڭ ماڭايىن قورشالۋى ءتيىس. سونداي-اق، قىزمەتكەرلەرىمىز ۇرىلاردى انىقتاپ، ولاردى جاۋاپقا تارتقان كەزدەرى دە بولعان. بۇل جاعدايدى دا نازاردا ۇستايمىز»، - دەدى ءبولىم باسشىسى.
ەسكە سالا كەتەيىك، 19 -جەلتوقسان كۇنى سەرىك ساپييەۆ اتىنداعى بوكس ورتالىعىنىڭ ماڭىنداعى اشىق جاتقان كارىز قۇدىعىنا قىز بالا قۇلاپ كەتكەن بولاتىن. ونى ماڭايدان ءوتىپ بارا جاتقان اسكەري قىزمەتكەر زاۋرە شاقابايەۆا شىعارىپ العان ەدى.
