ءسىز جاڭا جىل الدىندا ءوز-وزىڭىزگە قالاي ەسەپ بەرەسىز؟
ءبىر ءسات وزىڭىزگە ەسەپ بەرىپ كورىڭىزشى... ءوز-وزىڭە ەسەپ بەرۋ وڭاي ەمەس. ايتسە دە وتكەن جىلعا قورىتىندى جاساپ، كەلەر جىلعا جوسپار قۇرۋ ماڭىزدى.
جاڭا جىل قارساڭىندا ەسەپ بەرۋ بىرەۋلەر ءۇشىن اسا ماڭىزدى بولماس. بىرەۋلەر تۋعان كۇنى كەزىندە، بىرەۋلەر ناۋرىز مەيرامى كەلگەندە ءوز-وزىنە ەسەپ بەرەدى. ال ەندى بىرەۋلەر كۇنىگە جاتار الدىندا وزىنەن ەسەپ سۇرايدى. ال ءسىز ءالى كۇنگە دەيىن ءوز-وزىڭىزگە ەسەپ بەرمەگەن بولساڭىز، مىنا سۇراقتار كوپ كومەگىن تيگىزەدى دەگەن ويدامىز.
1. بالالارىڭىز بەن نەمەرەلەرىڭىزگە وسى جىل جايلى ەستەلىك رەتىندە نەنى ايتا الاسىز؟
2. وسى جىلدى ءۇش اۋىز سوزبەن قالاي باعالار ەدىڭىز؟
3. ءوزىڭدى بيىل قانداي قىرىڭنان تانىدىڭ؟
4. بيىلعى قانداي جەتىستىگىڭمەن ماقتانا الاسىڭ؟
5. وسى جىلى قانداي جاڭالىققا قۋاندىڭ؟
6. بيىل قانداي ەرەكشە جەرگە باردىڭ؟
7. ءوتىپ بارا جاتقان جىلدا نە ۇيرەندىڭىز؟ قانداي تالابىڭىزدى ۇشتادىڭىز؟
8. كىمگە ەرەكشە قۇرمەت بىلدىرەسىز؟
9. ءسىز ەگەر وسى جىل جايلى كىتاپ جازار بولساڭىز، قانداي جانردا (كومەديا، دراما، ماحاببات حيكاياسى) بولار ەدى؟
10. ءسىز وسى جىلدان قانداي ساباق الدىڭىز؟
11. ءوزىڭىزدىڭ قانداي جاعىمسىز قىلىقتارىڭىزدى جەڭە ءبىلدىڭىز؟
12. جۇمىستا قانداي تابىسقا كەنەلدىڭىز؟
13. بيىل سىزگە اسەر ەتكەن كىتاپ پەن فيلم
14. بيىل ءسىزدىڭ تاراپىڭىزعا ايتىلعان ەڭ جاعىمدى پىكىر
15. قانداي جاقسىلىق جاسادىڭىز؟
16. ءبىر جىل ىشىندەگى پسيحولوگيالىق كۇيىڭىزدى (قۋانىش، قىزعانىش، شارشاۋ، جالعىزدىق، ت. ب.) ءبىر سوزبەن جەتكىزىڭىز.
17. وسى جىلى ومىرىڭىزدە العاش رەت بولعان وقيعا؟
18. ەڭ ەستە قالار ءسات؟
19. بيىل العان ەڭ قىمبات سىيلىق
20. وسى جىلى قانداي باستى ماسەلەنى شەشتىڭىز؟
21. قانداي وقيعانى ەسكە الساڭىز، جۇزىڭىزگە كۇلكى ۇيىرىلەدى؟
22. ەڭ ءساتتى ساۋداڭىز
23. ءسىز كەرىسىنشە جاساعان تىرلىك؟
24. ءوزىڭىزدى وسى جىلعى قاي ءىسىڭىز ءۇشىن ماقتاي الاسىز؟
25. وسى جىلى نەنى كوپ ۋايىمدادىڭىز؟
26. بيىل قانداي تاقىرىپ ءسىز ءۇشىن قىزىقتى بولدى؟
27. بويىڭىزدا بيىل پايدا بولعان قىلىقتار
28. وسى جىلى ءسىزدىڭ ومىرىڭىزگە كىمنىڭ اسەرى كوپ بولدى؟
29. قانداي ءسوزدى بارىنەن كوپ قولداندىم؟
30. وسى جىلعا جوسپارلاعانىمنىڭ ءبارىن ورىندادىم با؟
Massaget.kz
