كەلەسى جىلى ەڭ ارزان تەمەكى قانشا تەڭگە بولادى؟
بۇل جونىندە بۇگىن استانادا وتكەن باسپا ءسوز ءماسليحاتىندا قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى ارداق تەڭگەبايەۆ مالىمدەدى. وعان تەمەكى ونىمدەرىنىڭ باعاسى كوتەرىلە مە دەگەن سۇراق قويىلعان بولاتىن.
«ۇكىمەت مەملەكەتتىڭ اتىنان تەمەكى ونىمدەرىنە قويىلاتىن ەڭ تومەنگى باعانى رەتتەپ وتىرادى. البەتتە، تەمەكى ونىمدەرىنىڭ ەڭ تومەنگى باعاسى تەمەكى ءونىمى اكسيزدەرىنىڭ كوتەرىلۋىنە قاراي رەتتەلەدى. قازىر بىزدە ەڭ تومەنگى باعا - 320 تەڭگە، ال قازىر اكسيزدەر كوتەرىلىپ جاتقانىن ەسكەرسەك، كەلەسى جىلدىڭ سوڭىنا قاراي ەڭ ارزان تەمەكىنىڭ ءبىر قورابىنىڭ باعاسى قاتەلەسپەسەم 380 تەڭگەگە دەيىن بارعالى وتىر» دەدى ارداق تەڭگەبايەۆ.
