قۋات «نايمان» حاميتوۆتىڭ جەڭىسى جوققا شىعارىلدى

بۇگىن رەسەي م م ا وداعىنىڭ تاۋەلسىز اپەللياتسيالىق كوميسسياسى بۇل كەزدەسۋدىڭ ناتيجەسىن وزگەرتتى. FIGHT NIGHTS GLOBAL ۇيىمىنىڭ twitter جەلىسىندەگى پاراقشاسى حابارلاعانداي، قوس سپورتشى اراسىنداعى كەزدەسۋ قايتا قارالىپ، تەڭ ەسەپ تىركەلدى.

 - رەسەي م م ا وداعىنىڭ تاۋەلسىز اپەللياتسيالىق كوميسسياسى قۋات حاميتوۆ پەن پيتەر كۋيللي اراسىنداعى كەزدەسۋدىڭ ناتيجەسىن وزگەرتتى. بەس راۋندقا جوسپارلانعان جەكپە- جەكتە تورەشىلەر قازاقستاندىق سپورتشىنى جەڭىمپاز رەتىندە تانىعان ەدى. بۇل شەشىمگە كۋيلليدىڭ كومانداسى قارسى شاعىم ءتۇسىرىپ، جەكپە- جەك قايتا قارالدى. ناتيجەسىندە تاۋەلسىز كوميسسيا تەڭ ەسەپ تىركەدى، - دەگەن رەسمي حابارلامادا.

ايتا كەتەيىك، FIGHT NIGHTS GLOBAL 80 تۋرنيرىندە قازاقستاندىق ەرەجەسىز جەكپە- جەك شەبەرى گەورگي كيچيگين رەسەيلىك ماگومەد نۋروۆپەن جەكپە- جەككە شىعىپ، ءوز چەمپيوندىق اتاعىن قورعاپ قالعان ەدى. قارسىلاسىن ءتورتىنشى راۋندتا قولىن قايىرۋ ادىسىنە سالىپ، جەڭىپ شىققان بولاتىن. ال جالعاس جۇماعۇلوۆ ۇلىبريتانيالىق شادج حەكتى، جۇمان جۇمابەكوۆ مولدوۆالىق يۆان اندرۋشەنكونى تورەشىلەر شەشىمى بويىنشا ايقىن جەڭىپ شىققان- دى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى