جاستىقتى قالاي ساقتايمىز؟

كوپ جاعدايدا ءتۇرلى كوسمەتيكالىق قۇرالدار قولدانعانمەن، ناتيجە كورىنبەيتىنىن بايقاپ جاتامىز. ەندەشە، تەرىگە ەرتە ءاجىم تۇسىرەتىن ادەتتەردى انىقتايىق.

 تەمەكى تارتۋ. تەمەكى تارتۋ تەرىنى قارتايتاتىنى قۇپيا ەمەس. ول تەك تەرىگە ەمەس، اعزاعا دا زيانى كوپ. ءاردايىم تەمەكى تارتۋ مۇرىن- ەرىن ءاجىمىنىڭ كوبەيۋىنە اكەلەدى.

سۇيىقتىقتى تۇتىكشەدەن ءىشۋ. ءاردايىم ەرىندى جيىرعاندىقتان، ونىڭ اينالاسىنا ءاجىم كوبەيە تۇسەدى. سوندىقتان، تۇتىكشەنى كوپ قولدانباي، ستاقانمەن ىشكەن دۇرىس. ىشپەن نەمەسە ءبىر قىرىمەن ۇيىقتاۋ. ورەسكەل تىلمەن ايتقاندا، بەت تەرىسى جاستىق سالدارىنان مىجىلادى. جاس كەزدە ول بىلىنبەگەنمەن، ۋاقىت وتە تەرى كوللاگەندى جوعالتا باستاعاندا جاستىقتىڭ اسەرىن سەزە باستايسىز.

كومپيۋتەر. ەكران جارىعى كوزدىڭ كورۋىنە عانا ەمەس، سونىمەن قاتار كوز اينالاسىنداعى تەرىگە دە زيانى بار. ەگەر كۇندە مونيتور الدىندا كوپ ۋاقىت وتىرساڭىز، كوز اينالاسىنا ءاجىم كوبەيە تۇسەدى. ارنايى كوزىلدىرىك كيسەڭىز، كومپيۋتەردىڭ كەرى اسەرىن ازايتاسىز.

 جىلىتۋ. قىستىڭ سۋىق كەزدەرىندە جىلىنعاندى ۇناتامىز. الايدا شەكتەن تىس جىلىتۋ تەرىنى قۇرعاتادى. قۇرعاق تەرىگە ءاجىم كوبەيەتىنى بەلگىلى.

مايسىز تاعام. ارىقتاۋ، دۇرىس تاماقتانۋ، ۆەگەتاريانشىلىق -  ولاردىڭ بارلىعى جاقسى بولعانمەن، اعزاعا، سونىڭ ىشىندە تەرىگە ماي قاجەت. بۇل بۋرگەر سەكىلدى زياندى تاماقتار جەۋ كەرەك دەگەن ءسوز ەمەس. مىسالى، جاڭعاقتار جەڭىز نەمەسە سالاتقا ءزايتۇن مايىن قولدانىڭىز. ولاردىڭ قۇرامىندا ماي بار جانە وتە پايدالى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى