مەيرامبەك بەسبايەۆتىڭ جارى العاش رەت ءانشىنىڭ اۋىر دەرتى جايلى شىندىقتى ايتتى
ءبىر ايدا 30 كەلىدەن اسا سالماق تاستاپ، قاتتى اۋىردى. سول شاقتا ەل اراسىندا «مۋزارت» توبى تارايدى، مەيرامبەك ساحنانى تاستايدى ەكەن» دەگەن اڭگىمەلەر جەلدەي ەستى.
حالىقتىڭ تىلەۋىنىڭ ارقاسى شىعار، كوپ ۇزاماي مەيرامبەك قۇلان تازا ايىعىپ، تىڭدارمانىمەن قايتا قاۋىشتى. ومىرىندەگى قيىن كەزەڭ تۋرالى بەسبايەۆ «ەلگە سالەم» اتتى دەرەكتى فيلمدە اڭگىمەلەدى.
«اۋىرعان كەزدە ونەرگە ەشقانداي قۇلقىم دا، زاۋقىم دا بولمادى. ءتىپتى، ءان ايتقىڭ دا كەلمەيدى. باسىندا قانداي دياگنوز ەكەنىن بىلگەن جوقپىز عوي. بۇدان كەيىن ءان جازامىز با، جازبايمىز با ءبىر قۇداي بىلەدى دەپ ارمان مەن قالقامانعا ءوتىنىش جاسادىق. ءالى ەسىمنەن كەتپەيدى. ءوزىم 10 مەتر جۇرسەم توقتاپ قالامىن، دەمالامىن. ءبىر ايدا 30 كيلوگرام تاستاپ، شىنىندا ءبىر ۇرەي پايدا بولدى. ءبىراق ءوز- ءوزىمدى قيناپ، جازۋىم كەرەك دەپ ستۋدياعا كەلىپ، ءاندى ارەڭ ايتىپ شىققانىم بار»، - دەپ ەسكە الادى مەيرامبەكتىڭ ءوزى.
بۇل رەتتە مەيرامبەكتىڭ جارى مارحابات بەسبايەۆا العاش رەت جۋرناليستەرگە سۇحبات بەرىپ، ءانشىنىڭ اۋىر دەرتتى قالاي جەڭگەنىن ايتىپ بەردى.
«ول كەزدە كاۋسارعا اياعىم اۋىر بولاتىن. مەيرامبەك ارىقتاي باستادى. ەلدىڭ ءبارى «ايەلى تاستاپ كەتىپتى، كەتىپ قالىپتى، ساحناعا ەندى كەلمەيدى ەكەن، ءبىتتى اۋىردى» دەدى. ونىڭ ءبارىن ايتپاي- اق قويايىن»، - دەپ ەسكە الدى مارحابات.
مارحاباتتىڭ ايتۋىنشا، مەيرامبەكتىڭ اياققا تۇرىپ كەتۋىنە كومەكتەسكەن ونىڭ ءوز وتباسى.
«ونىڭ ساحناعا ورالاتىنىنا، جازىلىپ كەتەتىنىنە سەندىم. ونىڭ ارتىندا قىزى، مەن، اكە- شەشەسى بار. ەشقانداي كۇمانىم بولعان جوق. سول سەنىمنىڭ ارقاسىندا ول ساحناعا قايتا ورالدى»، - دەپ سەندىردى ول.
مارحابات بەسبايەۆا ۇنەمى گاسترولدىك ساپاردا جۇرەتىن كۇيەۋىن ءجيى كورمەيدى. ول بۇل ولقىلىقتىڭ ورنىن بولاشاقتا تولتىراتىنىنا سەنىمدى.
«كۇندە گاسترول بولمايدى. قۇداي قالاسا، ۇيدە بولادى. بالا- شاعامىزبەن بىرگە، نەمەرە باعىپ، باقىتتى بولامىز دەپ ەلەستەتەمىن»، - دەپ ءبولىستى مەيرامبەك بەسبايەۆتىڭ كەلىنشەگى.
