تۇرمەدە ەرمەگيايەۆقا جاعداي جاساپ بەرگەن باسشىلار جاپپاي قىزمەتتەن قۋىلدى

ە س 166/10 تۇزەتۋ مەكەمەسىنىڭ لاۋازىمدى قىزمەتكەرلەرى تالعات ەرمەگيايەۆپەن اۋىز جالاسىپ، وعان اباقتى ىشىندە قولايلى جاعداي جاساپ كەلگەنى اشكەرەلەنىپ وتىر.

«ەرمەگيايەۆكە قامقورلىق كورسەتۋ فاكتىسى بويىنشا قىزمەتتىك تەكسەرىس جۇرگىزىلدى. ورىن العان ءتارتىپ بۇزۋشىلىق ءۇشىن 16 تۇلعا ءتارتىپ جاۋاپكەرشىلىككە تارتىلدى.

ءبىر ادام تەرىس ۋاجدەرى بويىنشا جۇمىستان شىعارىلسا، 12 ءسى لاۋازىمدى ورىندارىنان الىندى. قىلمىستىق اتقارۋ جۇيەسىنىڭ ءتوراعاسى مەن ونىڭ ورىنباسارىنا ءوز قىزمەتتەرىنە ءتيىستى دارەجەدە ساي كەلمەگەنى تۋرالى ەسكەرتۋ جاسالدى»، - دەيدى ق ر ءى ءى م رەسمي وكىلى الماس سادۋبايەۆ

ءبىراق، قىزمەتىنەن ايىرىلعان تۇرمە باسشىلارى ەرمەگيايەۆقا قانداي قولايلى جاعداي جاساعانى قۇپيا قالىپ وتىر.

بولجام بويىنشا، ەكس-ءتوراعا قاپاستا تەلەديدار مەن ءتۇرلى جيھازدارى بار جەكە كامەرادا تۇرعان بولۋى مۇمكىن. ەندى وسى بىلىقتان سوڭ، بۇرىنعى لاۋازىمدى قىزمەتكەرلەر وتىرعان تۇرمەلەردە قىزمەتتىك تەكسەرىس باستالۋى ىقتيمال.

ال، قاپاستا قوناق ۇيدە تۇرعانداي ءومىر سۇرگەن تالعات ەرمەگيايەۆتىڭ ءوزى بىلتىر ماۋسىم ايىندا 14 جىلعا باس بوستاندىعىنان ايىرىلعان ەدى. لاۋازىمدى توپ-مەنەدجەر «ەكسپو» حالىقارالىق كورمەسىنە بيۋدجەتتەن بولىنگەن ميللياردتاردى جىمقىرعانى ءۇشىن كىنالى دەپ تانىلعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى