بەيجىڭدە قازاقستان- قىتاي سىرتقى ىستەر مينيسترلىكتەرى اراسىنداعى كونسۋلتاتسيالار ءوتتى

 سىرتقى ىستەر مينيسترلىكتەرى كونسۋلتاتسياسىنىڭ بارىسىندا تاراپتار كەلەسى جىلعى قازاقستان مەن قىتاي اراسىنداعى جوعارى جانە ۇكىمەت دەڭگەيىندەگى بايلانىستار تۋرالى پىكىر الماستى، «نۇرلى جول» ج ە س پەن «جىبەك جولىنداعى ەكونوميكالىق بەلدەۋ» قىتايلىق باستاماسىمەن ۇشتاستىرۋ، ترانسشەكارالىق وزەندەر، كونسۋلدىق قارىم- قاتىناستار، حالىقارالىق ۇيىمدار شەڭبەرىندەگى ءوزارا ارەكەتتەسۋ ماسەلەلەرى تالقىلاندى، سونداي- اق باسقا دا وزەكتى ماسەلەلەر قارالدى.

تاراپتار ۇدايى جۇرگىزىلەتىن سىرتقى ىستەر مينيسترلىكتەرى كونسۋلتاتسياسىنىڭ قازاقستان- قىتاي جان- جاقتى ستراتەگيالىق ارىپتەستىگىن ىلگەرىلەتۋگە سەپتىگىن تيگىزەتىن ماڭىزدى تەتىكتەرىنىڭ ءبىرى بولىپ تابىلادى دەگەن پىكىرلەرىن بىلدىرە وتىرىپ، ءوزارا ءتيىمدى ىنتىماقتاستىقتىڭ ناتيجەلى دامۋىن قاناعاتتانارلىقپەن اتاپ ءوتتى.

 قاۋىپسىزدىك سالاسىنداعى ىنتىماقتاستىق جونىندەگى كىشى كوميتەتتىڭ 10- وتىرىسىنىڭ شەڭبەرىندە تاراپتار قاۋىپسىزدىك جانە قورعانىس سالالارىنداعى قازاقستان- قىتاي ىنتىماقتاستىعى، وزەكتى حالىقارالىق جانە وڭىرلىك ماسەلەلەر، سونداي- اق كىشى كوميتەتتىڭ كەلەشەكتەگى جۇمىس جوسپارى بويىنشا پىكىرلەرمەن تەرەڭ الماستى. ساپاردىڭ شەڭبەرىندە ا. كامالدينوۆ قىتايداعى قازاقستاننىڭ دوستارى كلۋبىنىڭ وتىرىسىنا قاتىستى. ءىس- شارا بارىسىندا ەكى مەملەكەتتىڭ ىشكى جانە سىرتقى ساياساتىنداعى سوڭعى ۇردىستەر، رەتتى جانە تۇراقتى الەۋمەتتىك- ەكونوميكالىق ءوسىمى مەن ءوز ەلدەرىنىڭ جەتىلۋىن قامتاماسىز ەتۋگە باعىتتالعان قازاقستان مەن قىتاي باسشىلارىنىڭ باستامالارى تۋرالى پىكىر الماسۋلار ءوتتى.

ءىس- شارالارعا قىتاي قوعامدىق عىلىم اكادەمياسىنىڭ رەسەي، شىعىس ەۋروپا، جانە ورتالىق ازيا ينستيتۋتىنىڭ ديرەكتورى لي يۋنسيۋان، بەيجىڭ شەت تىلدەرى ۋنيۆەرسيتەتىنىڭ رەكتورى پەن لۋن، ق ر- داعى ق ح ر- دىڭ بۇرىنعى ەلشىلەرى ياو پەيشەن، چجوۋ لي، قىتاي قازىرگى زامانعى قارىم- قاتىناس اكادەمياسىنىڭ ورتالىق ازيا ينستيتۋتىنىڭ ديرەكتورى دين سياوسين، ق ح ر س ءى م، ق ك پ و ك حالىقارالىق ءبولىمىنىڭ، قىتاي شەتەلدەرمەن دوستىق قاۋىمداستىعى وكىلدەرى جانە ت. ب. قاتىستى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى