كاسپي تەڭىزىندە سارباز كەمەدەن قۇلاپ سۋعا باتىپ كەتكەن

مارقۇمنىڭ تۋعان-تۋىستارىنىڭ ايتۋىنشا سارباز 10 كۇن بۇرىن «سەمسەر» اتتى كەمەدەن قۇلاپ كەتكەن.

لادا. ك ز سايتىنىڭ جازۋىنشا، اسكەردىڭ دەنەسى سودان بەرى تابىلماعان.

بەيبىت باشىقوۆ ق ر ۇلتتىق قاۋىپسىزدىك كوميتەتى شەكارا قىزمەتىنىڭ 2201ب اسكەري بولىمىندە بورىشىن وتەپ جۇرگەن. 10- جەلتوقسان كۇنى تەڭىز اسكەرى كەمەگە كەزەكشىلىككە اتتانىپ، 11- جەلتوقسان كۇنى تاڭعى بەستەر شاماسىندا وقىس وقيعا بولعان.

كاسپي تەڭىزىندە سارباز كەمەدەن قۇلاپ سۋعا باتىپ كەتكەن«ونىڭ ءۇش ايى عانا قالعان ەدى. سول كۇنى تاڭەرتەڭ مەن ونىڭ ۇيالى تەلەفونىنا بىرلىك سالدىم. ال 11- جەلتوقسان كۇنى كەشكە ول ماعان قوڭىراۋ شالىپ، «ماما، ءبىز تۇنگى ەكىدە تەڭىزگە كەزەكشىلىككە شىعامىز. تاڭەرتەڭ 08:30 دا مەن ساعان قوڭىراۋ شالام» دەگەن بولاتىن. ونىڭ ورنىنا ماعان اسكەري كوميسسارياتتان حابارلاستى»، - دەيدى ساربازدىڭ اناسى گۇلنار باشىقوۆا.

الدىن الا مالىمەت بويىنشا، وقىس وقيعا اۋا رايىنىڭ قولايسىزدىعىنان بولعان. شەكارا قىزمەتىنىڭ حابارلاۋىنشا، سول كۇنى جەلدىڭ جىلدامدىعى سەكۋندىنا 15 مەترگە، ال تولقىننىڭ بيىكتىگى 1,5 مەترگە دەيىن جەتكەن.

قازا تاپقان ساربازدىڭ اعاسى رۇستەمنىڭ ايتۋىنشا، ولار بەيبىتتىڭ سول كۇنى نەگە قۇتقارۋ كۇرتەسىنسىز بولعانى جونىندە ناقتى جاۋاپ الا الماعان. سوتقا دەيىنگى تەرگەۋ تەك مارقۇمنىڭ دەنەسى تابىلعان سوڭ باستالادى. ق ر ۇ ق ك شەكارا قىزمەتىنىڭ حابارلاۋىنشا، ازىرشە تەك ىزدەۋ جۇمىستارى جۇرگىزىلىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى