كەلەر جىلى وندىرىلەتىن ۋران كولەمى بەلگىلى بولدى
«ءبىزدىڭ بارلىق كومپانيالاردىڭ جەر قويناۋىن پايدالانۋ تۋرالى كەلىسىمشارتتارى بار. ولار سونىڭ نەگىزىندە ۋران ءوندىرۋ بويىنشا قىزمەتتەرىن جۇرگىزەدى. اتالعان كەلىسىمشارتتاردا جىلدىق ءوندىرۋ كولەمى كورسەتىلگەن. ونىڭ جىلدان جىلعا ايىرماشىلىعى بولۋى مۇمكىن. ەگەر قازاقستانداعى بارلىق كومپانيالار كەلەسى جىلى كەلىسىمشارت مىندەتتەمەلەرىنە سايكەس ۋران وندىرەتىن بولسا، وندا ونىڭ كولەمى 27 مىڭ توننادان اسىپ جىعىلار ەدى. ال ءبىز 2018 -جىلى شامامەن 23 مىڭ توننا وندىرمەكپىز»، - دەدى كومپانيا باسشىسى ب ا ق وكىلدەرىنىڭ ساۋالىنا وراي.
ونىڭ سوزىنە قاراعاندا، 2016 -جىلى ەلىمىزدە 24600 توننا ۋران وندىرىلسە، اعىمداعى جىلدىڭ قورىتىندىسىندا ونىڭ كولەمى 23 مىڭ توننا مولشەرىندە بولادى. سونىمەن قاتار ول الداعى ۋاقىتتاعى ۋران باعاسىنا قاتىستى ويىمەن دە ءبولىستى.
«قازىرگى ۋاقىتتا 1 فۋنتى 25 دوللار توڭىرەگىندە. ول نارىقتاعى ۋراندى ساتىپ الاتىن ەنەرگەتيكالىق كومپانيالار مەن وندىرۋشىلەردى قوسا العانداعى نەگىزگى ويىنشىلارعا بايلانىستى. دەگەمەن، قىسقا مەرزىمدى كەلەشەككە ۇلكەن ۇمىتپەن قاراپ وتىرمىز، ونىمىمىزگە سۇرانىس بولارىنا سەنىم بار»، - دەدى عالىمجان پىرىمبەتوۆ.
بۇعان دەيىن حابارلاعانىمىزداي، «قازاتوم ونەركاسىپ» كومپانياسى 2018 -جىلدىڭ قاڭتار ايىنان باستاپ 3 جىلعا جەر قويناۋىن پايدالانۋ كەلىسىمشارتتارى بويىنشا جوسپارلانعان ءوندىرىس اۋقىمىن 20 پايىزعا ازايتۋدى كوزدەپ وتىر. بۇل شارا كومپانيانىڭ تۇتىنۋشىلار الدىنداعى مىندەتتەمەلەرىنە كەرى اسەر ەتپەيدى.
اۆتور: مارلان جيەمباي
