ق ر اسكەري- تەڭىز كۇشتەرى «ماڭعىستاۋ» زىمىران- ارتيللەريالىق كەمەسىمەن تولىقتى
وتاندىق كولىك قۇرالى مەملەكەتتىك قورعانىس تاپسىرىسىنا سايكەس ارنايى شىعارىلعان. بۇل وسىمەن ورالداعى «زەنيت» زاۋىتىندا قۇراستىرىلعان ءتورتىنشى كەمە. ەكيپاج قۇرامىندا 23 ادام بار.
شاراعا وبلىس اكىمى ەرالى توعجانوۆ، ق ر ءا ت ك باس قولباسشىسىنىڭ ۆيتسە- ادميرالى جانداربەك جانزاقوۆ قاتىستى.
الدىمەن ءسوز العان ايماق باسشىسى: «قازاقستاننىڭ حالقى باقىتتى دەپ تولىقتاي ايتۋعا نەگىز بار. بۇكىل دۇنيەجۇزى مويىنداعان ءىرى مەملەكەتتىڭ قاتارىنا ەندىك. ماڭگىلىك ەل بولۋدى ماقسات ەتكەن وتانىمىز مىندەتتى تۇردە مىقتى ەل بولۋ كەرەك. تاۋەلسىزدىكتى الۋ بار دا، تاۋەلسىزدىكتى نىعايتۋ بار. ونى قورعاۋ بار. وسى باعىتتا ەڭ الدىمەن اسكەري كۇشتەرگە تىكەلەي بايلانىستى. «ماڭعىستاۋ» كەمەسىنىڭ قاتارعا قوسىلۋى - ۇلكەن تاريحي جاعداي. قازاقستاننىڭ اسكەري كۇشتەرىنىڭ كۇننەن- كۇنگە كۇشەيىپ كەلە جاتقانىندىعىنىڭ ايقىن كورىنىسى»، - دەدى.
«ماڭعىستاۋ» زىمىران- ارتيللەريالىق كەمەسى - كاسپيي تەڭىزىندە قازاقستان رەسپۋبليكاسى اسكەري- تەڭىز كۇشتەرىنىڭ جاۋاپكەرشىلىك ايماقتارىندا جاۋىنگەرلىك تاپسىرمالاردى ورىنداۋ ءۇشىن جاسالعان.
كەمەنىڭ سالماعى - 240 توننا. ۇزىندىعى - 41,75؛ ەنى - 7,8 مەتر. ءجۇزۋ قاشىقتىعى - 1200 ميلدى قۇرايدى. كەمەنىڭ ەرەكشەلىگى - سۋ استىنان تونەتىن قاۋىپ- قاتەر مەن استىرتىن ارەكەتتەردى الدىن الا انىقتاي الادى. سونداي- اق، زاماناۋي ارتيللەريالىق قۇرىلعىمەن، راديوتەحنيكالىق قارۋمەن جابدىقتالعان.
جاڭا كولىكتىڭ تاعى ءبىر ەرەكشەلىگى، جانارماي قورى ساعاتىنا 60 شاقىرىم جىلدامدىقپەن اشىق تەڭىزدە 10 تاۋلىك جۇرۋگە جەتەدى.
«ماڭعىستاۋ» زىمىران- ارتيللەريالىق كەمەسىنىڭ تەحنيكالىق سيپاتتامالارى قارسىلاستىڭ جاۋىنگەرلىك سۋءۇستى كەمەسىن، كاتەرىن جانە كولىگىن دەربەس جانە كەمەمەن سوققى بەرۋ كۇشتەرىمەن ءوزارا ءىس- قيمىلدا جويۋدى قامتاماسىز ەتەدى. كەمە بۇل ءۇشىن قاجەتتى جىلدامدىعى، باسقارۋى، ءجۇزۋ الشاقتىعى، دەربەستىگى، ەكيپاجدىڭ مەكەندەۋ شارتتارى سياقتى تەڭىزدە ءجۇزۋ ساپاسىنا يە.
