بيىلعى جىلدىڭ ەڭ تانىمال قۇپيا سوزدەرى

 ينتەرنەت قولدانۋشىلارىنىڭ بۇل قۇپياسوزدەرى تانىمال عانا ەمەس، ءساتسىز ءارى بۇزىپ اشۋعا وڭاي قۇپيا سوزدەر بولىپ تا سانالادى. ايتسە دە ادامدار ەستە تەز ساقتالاتىن قۇپياسوزدەردى تاڭدايتىنى جاسىرىن ەمەس.

 SplashData ماماندارى 2017 -جىلى بۇزىپ اشىلعان 5 ميلليونعا جۋىق ينتەرنەت قولدانۋشىلارىنىڭ قۇپياسوزدەرىن ساراپتامادان وتكىزگەن. ناتيجەسىندە تۇزىلگەن رەيتينگ بويىنشا، ەڭ تانىمال ءارى ءساتسىز قۇپياسوزدەر كوشىن "123456" باستاپ تۇر. بۇل قۇپياسوز ءتورتىنشى جىل قاتارىنان كوش باسىندا كەلەدى.

 ەكىنشى ورىنعا "password" (قۇپيا ءسوز) ءسوزى ورنالاسسا، ۇشتىككە "12345678" ەنگەن. سونداي- اق وسى جىلى ينتەرنەت قولدانۋشىلارى "جۇلدىزدار شايقاسى" كينوەپوپەياسىنا قاتىستى قۇپياسوزدەردى كوپ قولدانعان. - "جۇلدىزدار شايقاسىنىڭ" جاڭا ەپيزودتارى مەن قاھارماندارى كورەرمەندەر ەسىندە كوپ ساقتالعانداي. سەبەبى "starwars" سەكىلدى فيلمگە قاتىستى قۇياسوزدەر كوپ. مۇنداي قۇپياسوزدەر قويعان ينتەرنەت قولدانۋشىلارىنىڭ اككاۋنتىن بۇزۋ حاكەرلەرگە وڭاي، - دەيدى SplashData كومپانياسىنىڭ جەتەكشىسى مورگان سلەين.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى