قازگيدرومەت استانانىڭ اسپانىن تورلاعان تۇتىنگە قاتىستى پىكىر ءبىلدىردى
«13 -جەلتوقساننان باستاپ بىزدە موڭعول انتيسيكلونى تىركەلدى. ول ءبىرشاما اۋماقتىڭ، سونىڭ ىشىندە استانانىڭ دا اۋا رايىنا اسەرىن تيگىزدى. انتيسيكلون تىنىق ءارى اشىق اۋا رايى كەزىندە پايدا بولادى. دەمەك، اتموسفەرادا اۋا الماسۋ بولمايدى. وسى سەبەپتى، زياندى زاتتار جينالىپ قالىپ، ءتۇتىننىڭ تۋىنداۋىنا سەبەپ بولىپ وتىر»، - دەيدى ول استانا اكىمدىگىندە وتكەن باسپا ءسوز ءماسليحاتىندا.
مارينا شميدتىڭ ايتۋىنا قاراعاندا، «قازگيدرومەت» ر م ك جايسىز مەتەوجاعدايعا بايلانىستى بولجام جاسامايتىندىقتان، حالىققا الدىن الا بۇل جاعداي ەسكەرتىلمەگەن. ال «قازگيدرومەت» مەتەوجاعدايعا بايلانىستى بولجامدى 2018 -جىلدان باستاپ جاساۋدى جوسپارلاپ وتىر. بۇل بولجامدار مەتەوجاعدايلار زياندى زاتتاردىڭ جينالۋىنا سەبەپ بولا ما، جوق پا دەگەن سەكىلدى اقپاراتتاردى ۇسىناتىن بولادى.
«استانانى قورشاعان جاسىل بەلدەۋ جەلدىڭ ازايۋىنا سەبەپ بولادى دەگەندى ءقازىر بىردەن بولجاۋ مۇمكىن ەمەس. كەيبىر جىلدارى بىزدە جەلدىڭ جيىلىگى ازايدى. ءبارى دە كليماتتىق جاعدايلار مەن سينوپتيكالىق احۋالدارعا بايلانىستى»، - دەيدى مارينا شميدت.
