اۋستراليانىڭ ءبىر عاسىر بۇرىن جوعالعان سۇڭگۋىر قايىعى تابىلدى
بۇل تۋرالى ت ا س س ر ف قورعانىس مينيسترلىگىنە سىلتەمە جاساپ حابارلايدى.
«اۋستراليانىڭ اسكەري-تەڭىز قۇپياسى پاپۋا-جاڭا گۆينەيانىڭ قۇرامىنا كىرەتىن ديۋك-وف-يورك ارالدارى جاعالاۋىنان HMAS AE1 العاشقى سۇڭگۋىر قايىعىنىڭ سىنىقتارى تابىلعان سوڭ اشىلدى»، - دەلىنگەن حابارلامادا.
وتكەن اپتادا باستالعان ەكسپەديتسيا بارىسىندا سۇڭگۋىر قايىقتىڭ ورنالاسقان جەرىن انىقتاۋدىڭ ءساتى ءتۇستى. The Australian گازەتىنىڭ جازۋىنشا، ىزدەۋشىلەردىڭ بۇعان دەيىنگى جيىرما توعىز ارەكەتى ءساتسىز اياقتالعان. كەمە سۋ تۇبىندە، 300 مەتر تەرەڭدىكتە جاتىر.
سۇڭگۋىر قايىق جاڭا بريتانيا ارالدارىنىڭ (پاپۋا-جاڭا گۆينەيانىڭ قۇرامىنا كىرەدى) ماڭىندا 1914-جىلعى 14- قىركۇيەكتە ءىز-ءتۇزسىز جوعالعان. ونىڭ بورتىندا 35 ادامدىق ەكيپاج بولعان.
