جەڭىلمەيتىن قازاقستاندىق ءالي احمەتوۆتىڭ كەزەكتى قارسىلاسى بەلگىلى بولدى
قازاقستاندىق سپورتشى قىزدىڭ باسپا ءسوز قىزمەتى احمەتوۆكە 28 جاستاعى ازەربايجان بوكسشىسى يسمات ەينۋللايەۆ قارسىلاس بولاتىنىن حابارلادى.
«ءبىزدىڭ ءاليدىڭ قارسىلاسى - ازەربايجاننان كەلەتىن يسمات ەينۋللايەۆ. جاسى 28 دە. ول 14 جەكپە-جەك وتكىزىپ، سونىڭ 12 سىندە جەڭگەن، ەكى رەت جەڭىلگەن. يسمات بۇرىن ءبىرىنشى ورتا سالماقتا ونەر كورسەتكەن. ءبىراق ول جاس، جەتىلە ءتۇسىپ، جارتىلاي اۋىر سالماققا ءوتتى. بۇل بوكسشىنى ەگجەي-تەگجەيلى زەرتتەگەن جوقپىز، مۇندا شارشى الاڭعا شىعىپ، جەڭۋ قاجەت. كەلەسىدە ءالي احمەتوۆپەن ن ۆ و كەلىسىم جاساسۋعا مۇددەلى بولىپ وتىر. سونان سوڭ ءبىزدىڭ بوكسشىعا اتى شىققان سپورتشىلارمەن كەزدەسۋ وتكىزۋدىڭ ءساتى تۇسەدى»، - دەيدى ونىڭ باپكەرى ساعاتبەك مۇساحانوۆ.
ەسكە سالا كەتەيىك، ءالي احمەتوۆ كاسىپقوي رينگتەگى دەبيۋتىن 2016-جىلدىڭ مامىرىندا وتكىزگەن بولاتىن. سودان بەرگى ون جەكپە-جەگىنىڭ بارىندە جەڭىسكە جەتتى. ونىڭ التاۋىن مەرزىمىنەن بۇرىن اياقتادى. جارتىلاي اۋىر سالماقتاعى NABF Junior جانە WBC Youth تيتۋلدارى ءۇشىن 2017-جىلعى 8- جەلتوقساندا وتكەن سوڭعى جەكپە-جەگىندە 22 جاستاعى قازاقستاندىق بوكسشى امەريكالىق دەشون ۆەبستەردى تىزە بۇكتىرگەن ەدى.
جەكپە-جەك كەشىنىڭ باستى ايقاسىندا فيرۋزا ءشارىپوۆا بەلگيالىق دجەميللا گونتاريۋكپەن ەكىنشى جارتىلاي جەڭىل سالماقتا IBO نۇسقاسى بويىنشا الەم چەمپيونى تيتۋلى مەن WBC Silver بەلدىگى ءۇشىن كۇش سىناسادى. ەگەر جەڭىسكە جەتسە، ەكى سالماق كاتەگورياسىنداعى قازىرگى الەم چەمپيونى اتانادى.
