بۇكىل الەمدىك بوكس سەرياسىنىڭ جاڭا ماۋسىمى قاشان باستالادى؟

«WSB» جوباسىنىڭ رەسمي سايتى تاراتقان مالىمەتكە سۇيەنسەك، جاڭا ماۋسىمدا دوداعا 11 كوماندا قاتىسادى.

WSB جوباسىنىڭ چەمپيونى ەلوردالىق «استانا ارلاندارى» ازيا ايماعىنداعى توپتا قىتاي، ءۇندىستان جانە رەسەي بوكسشىلارىمەن كەزدەسەدى. «قىتاي ايداھارلارى» مەن «رەسەي پاتريوتتارى» بۇل جوبادا بۇعان دەيىن ونەر كورسەتسە، ءۇندىستاندىق كوماندانىڭ ءالى رەسمي اتى دا قۇرامى دا بەلگىسىز.

ءۇندىستاندىق كلۋب بيىل جوباعا قاتىسۋدان تاس تارتقان «وزبەك جولبارىستارى» كومانداسىنىڭ ورنىن باسىپ وتىر. ال ەۋروپالىق كوماندالار اراسىندا جاڭادان حورۆاتيانىڭ كومانداسى قوسىلدى. امەريكا قۇرىلىعىندا ارگەنتينا ەلىنىڭ كومانداسى جوق.

ەستەرىڭىزگە سالا كەتەيىك، «استانا ارلاندارى» - WSB جوباسىندا بۇل سەريانى ءۇش رەت جەڭسە، تاعى ءتورت رەت كۇمىس جۇلدەگەر اتاندى. ەكى رەت كۋبولىق بوكسشىلار توپ جارسا، فرانسيا مەن يتاليا كوماندالارى ءبىر-ءبىر رەتتەن جەڭىسكە جەتتى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى