استانالىق ساياباق العاش رەت قىستا جۇمىس ىستەيدى

استانالىق ساياباق - قالاداعى ەڭ ەسكى جانە تۇرعىنداردىڭ سۇيىكتى ورىندارىنىڭ ءبىرى. سول سەبەپتى، مۇندا قىزىقتى دەمالىستى ۇناتاتىندار ءۇشىن ۇلكەن مۇز ايدىنى، بيىك سىرعاناق پەن «Bubble tab» قىسقى اتتراكتسيونى جاسالدى. بالالاردىڭ جۇرەگىن جاۋلاپ ۇلگەرگەن اتتراكتسيون العاش رەت بىلتىر اشىلعان بولاتىن.

«ساياباقتاعى سىرعاناقتىڭ بيىكتىگى - 4 مەتر، ال سىرعاناۋ جولى 50 مەتردەن اسادى. مۇز ايدىنىنىڭ كولەمى - 600 شارشى مەتر، اينالاسىندا اعاشتار بار، كەشكى جانە تۇنگى ۋاقىتتا جارىق بەرىلىپ، كەرەمەت رومانتيكالىق اتموسفەرا سىيلايدى»، - دەپ ءمالىم ەتتى قالالىق مادەنيەت، مۇراعاتتار جانە قۇجاتتاما باسقارماسى.

استانالىق ساياباقتىڭ باستى ارتىقشىلىعى - ۇلكەن اعاشتار، بۇل قالادان تىس دەمالىس سەزىمىن بەرەدى، سونداي-اق جەلدەن قورعايدى. ناتيجەسىندە مۇز ايدىنىن جايلى ءارى ىڭعايلى ەتەدى.

مۇز ايدىنى مەن سىرعاناق - كەلۋشىلەر ءۇشىن تەگىن. سونىمەن قوسا، كونكي، تيۋبينگ جانە شانانى جالعا بەرۋ ورنى، ستاتسيونارلىق ءدامحانا مەن مەيرامحانا جۇمىس ىستەيدى. استانالىق ساياباق ەلوردا تۇرعىندارى مەن قوناقتارىن اسىعا كۇتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى