قازاقپارات ديزاينەرلەر بايقاۋىنىڭ جەڭىمپازدارىن ماراپاتتايدى

دەپ حابارلايدى «قازاقپارات» ح ا ا ءتىلشىسى.

«قازاقپارات» ح ا ا ەلباسىنىڭ «رۋحاني جاڭعىرۋ» باعدارلاماسىن قولداۋ ءارى ونى حالىق اراسىندا كەڭىنەن ناسيحاتتاۋ ماقساتىندا ديزاينەرلىك شەشىمدەر ءۇشىن كونكۋرس جاريالاعان بولاتىن. سونىمەن قاتار، بۇل كونكۋرس ارقىلى شىعارماشىلىق ورتانى قولداي وتىرىپ، زاماناۋي مادەنيەتتى «رۋحاني جاڭعىرۋ» قۇندىلىقتارىمەن جاقىنداستىرا ءتۇسۋ كوزدەلگەن.

كونكۋرسقا جۇمىستاردى قابىلداۋ 1 - قاراشادان باستالىپ 15-جەلتوقسانعا دەيىن جالعاستى. ۇسىنىلعان جۇمىستار «قاسيەتتى نىساندار، كيەلى ورىندار، تاريحي ەسكەرتكىشتەر»، «قازاق مادەنيەتى مەن داستۇرىنە ۇيلەسكەن ەلەمەنتتەر»، «تۋعان جەرىڭە دەگەن ماحاببات»، «ءبىلىم كۋلتى»، «باسەكەلىك قابىلەت»، «پراگماتيزم»، «ۇلتتىق بىرەگەيلىكتى ساقتاۋ»، «قازاقستاننىڭ ريەۆوليۋتسيالىق ەمەس، ەۆوليۋتسيالىق دامۋى»، «سانانىڭ اشىقتىعى» سەكىلدى تاقىرىپتارعا سايكەس قابىلداندى. ءاربىر قاتىسۋشى نەمەسە ۇجىم اتالعان 6 باعىتتىڭ ءارقايسىسىنا تەك 1 عانا جۇمىسىن ۇسىنۋعا مۇمكىندىك الدى.

وسى ۋاقىتقا دەيىن 137 جۇمىس كەلىپ ءتۇسىپ، ونىڭ 120-ى بايقاۋ تالاپتارىنا سايكەس كەلگەن. قازاقستاننىڭ بارلىق تۇكپىر- تۇكپىرىنەن جۇمىستار كەلىپ ءتۇسىپ، ءتىپتى فرانسيا ەلىنەن دە ءبىر جۇمىس جولدانعان.

بايقاۋدى وتكىزۋ بارىسىندا «قازاقپارات» ح ا ا پورتالىندا ونلاين- داۋىس بەرۋ جۇرگىزىلدى. كونكۋرستىڭ جەڭىمپازدارىن قۇرامىندا 7 ادامى بار قازىلار القاسى انىقتايتىن بولادى. شىنايى ءارى ءادىل شەشىم شىعارۋ ءۇشىن كونكۋرستىڭ قازىلار قۇرامىنا ءتورت ەلدىڭ وكىلى ەنگىزىلدى:

ق ر مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى الماز نۇرازحان

رەسەيدىڭ «ت ا س س» اقپارات اگەنتتىگىنىڭ ينفوگرافيكا ستۋدياسىنىڭ باسشىسى الەكسەي نوۆيچكوۆ

«جەنمين حۋاباو» قىتاي باسپاسىنىڭ ديرەكتورى يۋي تاو

«انادولى اگەنتتىگىنىڭ» شەف- رەداكتورى مۇستافا فۋات

 FineDesign جارناما اگەنتتىگىنىڭ ديرەكتورى تيگران تۋنيانتس  پەن «قازاقپارات» ح ا ا ينفوگرافيكا جانە ۆەب- ديزاين قىزمەتىنىڭ جەتەكشىسى باحتيار امەنوۆ.

ءار نوميناتسيا بويىنشا جەڭىمپازدار ارنايى ديپلومدارمەن جانە اقشالاي سىياقىمەن ماراپاتتالادى. گران- پري يەسى 2 ميلليون تەڭگە بولاتىن اقشالاي سىياقىعا يە بولادى.

سونىمەن بىرگە، ۇزدىك دەپ تانىلعان تۋىندىلار بويىنشا: 1-ورىن - 1 ميلليون 500 مىڭ تەڭگە، 2 - ورىن - 1 ميلليون تەڭگە، 3 - ورىن - 500 مىڭ تەڭگە سىياقى بەلگىلەنىپ وتىر. بۇدان بولەك، ىنتالاندىرۋ سىيلىعى رەتىندە جالپى قورى 1 ميلليون تەڭگەنى قۇرايتىن ارنايى جۇلدەلەر دە بار. سايكەسىنشە: 1-ارنايى جۇلدە - 400 مىڭ تەڭگە؛ 2-ارنايى جۇلدە - 400 مىڭ تەڭگە؛ 3-ارنايى جۇلدە - 200 مىڭ تەڭگە سىياقى الاتىن بولادى.

كونكۋرس جەڭىمپازدارىنىڭ تۋىندىلارى «قازاقپارات» ح ا ا سايتىندا ورنالاسادى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى