التىنشى عاسىردا سالىنعان كىتاپحانا قايتا اشىلدى

مۇندا 6 مىڭعا جۋىق ءدىني قولجازبالارمەن قاتار، مىڭداعان كونە كىتاپ ساقتالعان. ولاردىڭ اراسىندا ەجەلگى گرەك دارىگەرى ءارى فيلوسوفى گيپپوكراتتىڭ مەديتسينالىق رەتسەپتەرى مەن شىعىس- ارامەي ديالەكتىندە جازىلعان بيبليانىڭ كونە كوشىرمەلەرى بار.

جالپى اۋليە ەكاتەرينا موناسترى - ەڭ ەجەلگى حريستياندىق ەسكەرتكىشتەردىڭ ءبىرى. ول التىنشى عاسىردا سالىنعان. 2002 -جىلى يۋنەسكو-نىڭ دۇنيەجۇزىلىك مۇرالار تىزىمىنە ەندى. ال ونىڭ ىشىندەگى كىتاپحانا تاريحي- ءدىني ادەبيەت سانى بويىنشا الەمدە ەكىنشى ورىندا تۇر. ەڭ ءىرىسى ۆاتيكاندا ورنالاسقان.

«موناستردە سونداي-اق الەمدەگى ەڭ ەجەلگى ءارى ەڭ ءىرى موزايكالاردىڭ ءبىرى بار. ول 12 جىلعا سوزىلعان قالپىنا كەلتىرۋ جۇمىستارىنان كەيىن كوپشىلىك نازارىنا ۇسىنىلادى. جارتى ميلليون تاستان تۇراتىن موزايكا شامامەن 1400 جىل بۇرىن جاسالعان»، - دەدى ءدىني قىزمەتكەر توني كازامياس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى