ديماش قۇدايبەرگەن: ءبىز سەنى جاقسى كورەمىز، دانەليا

«الاقاي! ءبىزدىڭ حانشايىم، سۇلۋ قىز، تەڭدەسسىز تالانت يەسى جانە جاي عانا تاربيەلى قىز دانەلەك جەڭىسكە جەتتى، دوستار! بارلىق جەرلەستەرىمدى شىن جۇرەكتەن قۇتتىقتايمىن جانە دانەلياعا قازاقستاننىڭ تاۋەلسىزدىك كۇنىنە جاساعان ەرەكشە سىيى ءۇشىن العىس ايتامىن. ءبىز سەنى جاقسى كورەمىز!» - دەپ جازدى ديماش ءوزىنىڭ ينستاگرامداعى پاراقشاسىندا.

ەسكە سالا كەتسەك، 11 جاسار الماتىلىق دانەليا تولەشوۆا «گولوس. دىتي» شوۋىندا جەڭىسكە جەتتى. سۋپەرفينالدا جاس ورىنداۋشى «وكەان ەلزى» توبىنىڭ «نە تۆويا ءۆىينا» ءانىن شىرقاپ، جەتەكشىسى MONATIK پەن كورەرمەندەردىڭ كوزىنە جاس العىزدى.

جەڭىسپەن بىرگە دانەليا «ناشە راديونىڭ» 3 ايلىق روتاتسياسى مەن پاريج قالاسىنداعى Disneyland-كە جولداما الدى.

«شىنىمدى ايتسام، مەن ءوزىمدى ءالى جۇلدىز سەزىنىپ وتىرعان جوقپىن. جوبادان سوڭ ەكى ساعاتتاي عانا ۇيىقتادىم. ۇيىمە جەتكەن سوڭ عانا ءبارىن انىق سەزىنەتىن بولارمىن»، - دەدى جەڭىمپاز 1+1 ارناسىنىڭ «سنىدانوك ز» تاڭعى شوۋىندا.

5 -قاراشادا باستالعان شوۋدا قازاقستاندىق ءانشى جوبانىڭ جارىق جۇلدىزىنا اينالدى. دانەليانىڭ ونەر كورسەتكەن ۆيدەوسىن 6 ميلليون ادام تاماشالاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى