انكارادا تۇرىك بالالارى قازاقستاننىڭ ءانۇرانىن شىرقادى

سالتاناتتى جيىندا انكارانىڭ «سىناۆ» كوللەدجىنىڭ ءتورتىنشى سىنىپ وقۋشىلارى قازاقستاننىڭ ءانۇرانىن ورىندادى.

«بۇل جوبانى تۇركياداعى قازاقستان ەلشىسى ابزال ساپاربەك ۇلىنىڭ ۇسىنىسىمەن سالتاناتتى قابىلداۋعا ارنايى ازىرلەدىك. وسىلايشا، قازاقستان مەن تۇركيانىڭ دوستاستىعىن كورسەتكىمىز كەلدى. ارينە، وڭاي بولمادى. ەكى اپتا بويى تۇرىك بالالارىنا قازاقشا ءسوزدى ۇيرەتىپ، ماقامىن دۇرىستادىق. ولار ءانۇراننىڭ الدىمەن ءسوزىن جاتتادى، سودان كەيىن ءانىن ۇيرەندى»، - دەيدى «وتاۋ» ءانسامبلىنىڭ جەتەكشىسى، قازاقستان رەسپۋبليكاسىنىڭ مادەنيەت قايراتكەرى ەلميرا شەندۋران.

ەسكە سالا كەتسەك، بۇعان دەيىن تۇركيانىڭ ءارتۇرلى قالاسىندا تۇراتىن 26 تۇرىك ازاماتى قازاقستاننىڭ تاۋەلسىزدىك مەرەكەسى قۇرمەتىنە قازاق بايراعىن جەلبىرەتىپ، قازاقستاننىڭ ءانۇرانىن شىرقاعان ەدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى