شىعىس قازاقستان مەديتسينا سالاسىنىڭ ەرەكشە ماماندارىن دايىنداماق
كەلەسى جىلدان باستاپ وقۋ ورنىندا باعدارلامالىق جاساقتاماعا، سەرۆيستىك قىزمەت كورسەتۋگە، جوندەۋگە مامانداندىرىلعان، سونداي- اق مەديتسينالىق قۇرىلعى وندىرۋشىلەرمەن (رەنتگەن، ۋدز، توموگرافتار جانە ت. ب. ) بىرگە جۇمىس ىستەسەتىن ينجەنەر- مەدتەحنيكتەر دايىندالاتىن بولادى.
بۇگىندە ەلىمىزدەگى ەشقانداي وقۋ ورنىندا مۇنداي ماماندار دايىندالمايتىنى اتالىپ ءوتىلدى. ش ق م ت ۋ پرورەكتورى شاقىرعان كلاۋستال تەحنيكالىق ۋنيۆەرسيتەتىنىڭ پروفەسسورى (گ ف ر) ءتۇسىندىرىپ وتكەندەي، مۇنداي شەشىم «سيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا قابىلدانعان.
IT- دارىگەرلەر 2 باعىت بويىنشا وقىتىلماق: مەدتەحنيكا جانە تەلەمەديتسينا. جاڭا ماماندارعا ش ق م ت ۋ وقىتۋشىلارى، بەلارۋس رەسپۋبليكاسى مەن اۋستريا ەلدەرىنەن شاقىرىلعان ماماندار ساباق بەرەتىن بولادى.
«قازاقستاندا ينجەنەر- مەدتەحنيكتەر وتە تاپشى. د. سەرىكبايەۆ اتىنداعى ش ق م ت ۋ- دىڭ IT ماماندىقتارىن مەڭگەرىپ شىققان تۇلەكتەردىڭ وسى سالادا جۇمىس ىستەۋى ءۇشىن شەتەلدەردە قايتا وقىپ كەلىپ جاتقانىن بىلەمىز. ەندى جاستاردىڭ قازاقستاندا وسى سالا بويىنشا ءبىلىم الۋىنا مۇمكىندىك تۋدى»، - دەپ اتاپ ءوتتى پروفەسسور تالانت رىسپايەۆ.
