ارگەنتينادا قازاقستاننىڭ تۋىن كوتەرۋ ءراسىمى ءوتتى - فوتو
دەپ حابارلايدى «قازاقپارات» ح ا ا برازيليا فەدەراتيۆتى رەسپۋبليكاسىنداعى ق ر ەلشىلىگىنىڭ باسپا ءسوز قىزمەتىنە سىلتەمە جاساپ.
روساريو اكىمشىلىگىنىڭ قولداۋىمەن برازيلياداعى قازاقستان ەلشىلىگى مەن قازاقستان مادەنيەت ورتالىعى بىرلەسىپ ۇيىمداستىرعان ءىس- شاراعا قالالىق اكىمشىلىك، قالالىق كەڭەس وكىلدەرى، قوعام قايراتكەرلەرى، كاسىپكەرلەر، ۇلتتىق- مادەنيەت ورتالىعىنىڭ بەلسەندىلەرى مەن جەرگىلىكتى ب ا ق وكىلدەرى قاتىستى.
ارگەنتيناداعى قازاقستان ەلشىسى قايرات سارجانوۆ قالا مەن مەموريال باسشىلىعىنا جىل سايىن ەلىمىزدىڭ تاۋەلسىزدىگى كۇنى قازاقستاننىڭ مەملەكەتتىك تۋىن كوتەرەتىندىكتەرىنە ريزاشىلىعىن ءبىلدىرىپ، تاۋەلسىزدىك العان 26 جىل بويى قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ باسشىلىعىمەن قول جەتكىزگەن نەگىزگى جەتىستىكتەردى اتاپ ءوتتى.
روساريو مەرى سىرتقى ىستەر دەپارتامەنتىنىڭ باسشىسى سەرحيو بارريوس 2016 -جىلى نەگىزى قالانعان قازاقستان مادەنيەت ورتالىعىنىڭ ماڭىزدى ءرولىن اتاپ ءوتتى.
ءىس- شارا سوڭىندا قايرات سارجانوۆ قۇرمەتتى ەلشى گۋستاۆو گۋتيەررەزۋگە «ق ر ديپلوماتيالىق قىزمەتىنە 25 جىل» ەستەلىك مەدالىن تابىس ەتتى.
