ۇرىمجىدە ستۋدەنتتەر «قارا جورعا» ءبيىن بيلەدى
دەپ حابارلايدى «قازاقپارات» ح ا ا قىتايداعى ءتىلشىسى.
مەرەكەلىك شارا قازاقستان رەسپۋبليكاسىنىڭ س ءى م قىزمەتىنىڭ قولداۋىمەن ءوتتى. جيىندا قازاقستاننىڭ ق ح ر- داعى ەلشىسى شاحرات نۇرىشيەۆتىڭ اتىنان ءسوز سويلەگەن اسحات ايۋبايەۆ كونسەرتكە جينالعان 250 ادامدى مەرەكەمەن قۇتتىقتاپ، وقۋدا تابىس تىلەدى.
كونسەرت الدىندا كورەرمەندەرگە «رۋحاني جاڭعىرۋ» باعدارلاماسى بويىنشا بەينەروليك كورسەتىلىپ، مەرەكەلىك داستارحان جايىلدى.
كونسەرتتىك باعدارلاما بويىنشا عالىم بولات «العا قازاقستان» مەن «دايديداۋ» اندەرىن ورىنداسا، شالقار الىمبەك «سىرلى سەزىم» انىمەن كورەرمەندەردىڭ ىستىق ىقىلاسىنا يە بولدى. زۋلفيرا نيازوۆا «چيننا ۋسسۋل» بيىمەن تال شىبىقتاي بۇرالىپ كورەرمەندەردى ءتانتى ەتتى. ال نۇرجان ءىلياسوۆ پەن سانجار احمەتبەكوۆ «يسپان ءانىن» دومبىرا مەن گيتارادا ورىنداپ، شەبەرلىكتەرىن كورسەتتى. ءوز كەزەگىندە اقىندىعىن پاش ەتكەن مەرۋەرت گۇلستانوۆا «تاۋەلسىزدىك تۇعىرى» اتتى ولەڭىن وقىپ، جينالعان جاس ستۋدەنتتەردىڭ رۋحىن سەرپىلتتى. شىڭجان قارجى- ەكونوميكا ۋنيۆەرسيتەتىنىڭ ستۋدەنتتەرى «قارا جورعا» ءبيىن ورىنداپ، KSAC جاستارى «قازاق ەلى» ءانىن اۋلەتە شىرقادى.
ءۇزىلىس اراسىندا كونسەرتتىك كەشتىڭ ەڭ جاس كورەرمەندەرى اراسىندا ويىن وتكىزىلىپ، قازاقستاننىڭ تاۋەلسىزدىگى تۋرالى وي- تولعاۋىن ايتقان جاس بۋىنعا ەلىمىزدىڭ ۇلتتىق ناقىشتارى بەينەلەنگەن ەسكەرتكىش سىيلىقتار تابىس ەتىلدى.
«بۇل كونسەرتتى وتكىزبەس بۇرىن ءبىز ەكى اۋقىمدى شارا وتكىزدىك: 11 - قاراشا كۇنى شەتەلدىك ستۋدەنتتەر اراسىندا ۆولەيبولدان جارىس ۇيىمداستىرىپ، 10 -جەلتوقسان كۇنى وتكىزگەن فۋتبول چەمپيوناتىنا 10 ەلدىڭ جاستارى اتسالىستى. شارامىزدىڭ باستى ماقستاتى - ۇرىمشىدە وقىپ جاتقان قازاقستاندىق ستۋدەنتتەردىڭ ىنتىماعىن نىعايتۋ. البەتتە، وتكىزگەن شارالارىمىزدىڭ ەڭ باستىسى رەتىندە قازاقستاننىڭ تاۋەلسىزدىگىنە ارنالعان كونتسەرتىمىزدى ايتا الامىز»، - دەيدى ش ۇ ا ر- داعى KSAC ءبولىمىنىڭ ءتوراعاسى، شىڭجاڭ ۋنيۆەرسيتەتىنىڭ 3-كۋرس ستۋدەنتى ارسا بىيانحۋ.
ەسكە سالا كەتسەك، قازاقستان تاۋەلسىزدىگىن مەرەكەلەۋ بويىنشا بەيجىڭ، شاڭحاي، ءۇرىمجى، شيان جانە قىتايدىڭ وزگە دە قالالارىندا اۋقىمدى شارالار وتكىزىلىپ جاتىر. بەيجىڭدە بۇدان بۇرىن، 12 - قىركۇيەك كۇنى قازاقستان تاۋەلسىزدىگىنىڭ 26 جىلدىعىنا وراي 600 ادامنىڭ قاتىسۋىمەن ديپلوماتيالىق قابىلداۋ بولىپ وتكەن ەدى.
ايان بەكەن ۇلى
