ءتىس پاستاسىن قايدا قولدانۋعا بولادى؟
الايدا وسى ءتىس پاستاسىنىڭ كۇندەلىكتى تۇرمىستا قولدانۋعا، ءتۇرلى جاعدايلاردا پايدالانۋعا بولاتىنىن بىلەمىز بە؟ ەندەشە ءبىز سىزدەرگە ءتىستىڭ بورىنىڭ كۇندەلىكتى تۇرمىستا تۇتىنۋداعى پايداسى تۋرالى ايتپاقپىز.
1. كىشكەنتاي سابيلەر قولىنا تۇسكەن قارىنداش، قالام، بوياۋلاردى الادى دا بويى جەتكەن جەرگە دەيىن قابىرعانى شيمايلاپ تاستايدى. مۇندايدا سىزگە پاستا كومەككە كەلەدى. ول ءۇشىن پاستا جاعىلعان سۇرتكىشپەن قابىرعاداعى «شەديەۆرلاردى» سۇرتسەڭىز بولعانى.
2. ەڭ جاقسى كورەتىن اياق كيىمىڭىزدىڭ ءاپپاق تابانى ءبىرازدان كەيىن كىرلەپ، قارايىپ كەتسە قامىقپاڭىز. قولىڭىزعا ءتىس پاستاسى مەن سۇرتكىش الىپ، ادەمىلەپ ءسۇرتىپ شىقساڭىز بولعانى. اياق كيىمنىڭ قالاعانىڭىزداي اعارىپ شىعادى.
3. ابايسىزدا قۇلاپ قالىپ، تىزەڭىزدى، شىنتاعىڭىزدى ت. ب. دەنەڭىزدە بولىمسىز كوگەرگەندەر پايدا بولسا نەمەسە جاراقات الىپ قالساڭىز ءتىس پاستاسىمەن ءىسىپ كەتۋدىڭ الدىن الۋىڭىزعا بولادى. ول ءۇشىن جاراقاتىڭىزعا پاستانى جاعىپ قويساڭىز بولعانى.
4. ماشيناڭىزدىڭ بىلعارى سالونىن كولىگىڭىزگە وتىرعان ادامداردىڭ اياق كيىمدەرى سىزىپ، قارايتىپ كەتەتىنى بولادى. ول كوبىندە جۋساڭىز كەتپەي، قارالا-سالتاق بولىپ تۇرادى. مۇنان قۇتىلۋدىڭ ءبىر عانا جولى جاڭاعى اياق كيىمىڭنىڭ جۇعىندىسىنا ءتىس پاستاسىن جاعىپ شامالى قوياسىز دا، ارتىنشا دىمقىل شۇبەرەكپەن ءسۇرتىپ تاستايسىز. كولىگىڭىزدىڭ ورىندىعى تاپ-تازا بولادى.
5. جاۋىن-شاشىندى، لايساڭ ۋاقىتتا كولىگىڭىزدىڭ پارالارىن قويىپ بارلىق دەنەسى لاستانىپ جۇرەدى. كەيدە ۇزاق ۋاقىت جۋىلماعاندىقتان پارالاردىڭ اينەگى سارعايىپ كەتەتىن كەزدەر دە بولادى. وسىندايدا ءتىس پاستاسىمەن جاقسىلاپ ءسۇرتىپ قويساڭىز پارانىڭ اينەگى جارقىراپ، جارىق وتكىزگىشتىگى ەرەكشەلەنە تۇسەدى.
6. كەيدە بەتىڭىزگە ءتۇرلى بورتكەندەر شىعاتىن كەز بولادى. وندايدا ۇيىقتار الدىندا ءتىس پاستاسىن بورىتكەننىڭ اۋزىنا جاعىپ جاتساڭىز، تاڭەرتەڭ تۇرعان كەزدە باسىلىپ قالادى. (سەزىمتال تەرىلەرگە قولدانۋعا بولمايدى).
7. اسىرەسە قىزدار قاۋىمى شاش بوياۋعا قۇمار. كەيدە ابايسىز شاش بوياۋى باسقا دەنەڭىزگە جۇعىپ كەتەتىن كەزدەر بولادى. ءتىپتى ماڭدايدىڭ، جەلكەنىڭ تەرىسىنە جۇعاتىن شاش بوياۋىن كەتىرە الماي قينالاسىز. وسىندايدا ءتىس پاستاسىمەن سۇرتسەڭىز جۇعىن دا قالمايدى.
8. باسسەينگە، سۋعا شومىلعاندا كيەتىن كوزىلدىرىكتىڭ اينەگى سارعايىپ كەتكەن جاعدايدا ءتىس پاستاسىمەن جۋساڭىز بىردەن جارقىراپ شىعادى. سونىمەن قاتار ۇزاق ۋاقىت تۇرىپ قالعان، سارعايىپ كەتكەن اينالاردى دا وسىلاي تازالاۋعا بولادى.
9. كيىم ۇتىكتەۋ كەزىندە ۇتىكتىڭ تابانى قارايىپ كەتەدى. بۇل ۇتىكتىڭ تەمپەراتۋراسىن دۇرىس پايدالانباۋدان بولادى. وسىنى كەتىرۋ ءۇشىن ۇتىك سالقىن بولىپ تۇرعان كەزدە ونىڭ تابانىنا ءتىس پاستاسىن جاعىپ، ونى دىمقىل شۇبەرەكپەن ءسۇرتىپ الساڭىز جەتكىلىكتى.
10. مۋزىكانى جاقسى كورەسىز بە؟ اسىرەسە سىڭعىرلاعان كۇيسەندىقتىڭ داۋسىنا ەلتىپ، ۇيىڭىزگە ادەمى كۇيساندىق ساتىپ الدىڭىز. جىلدار وتە ونىڭ پەرنەتاقتالارى سارعايا باستادى. ءسىز نەمەن جۋساڭىز دا پەرنەتاقتالار باياعىشا اقشانقان بولىپ جىلتىرامايدى. قامىقپاڭىز، ءتىس پاستاسىمەن ادەمىلەپ ءسۇرتىپ شىقساڭىز باياعىسىنشا جىلتىرايتىن بولادى.
11. بۇل ءادىستى كوبىڭىز بىلەسىزدەر دەپ ويلايمىن. ءتۇرلى التىن، كۇمىس اشەكەيلەردىڭ، ىدىستاردىڭ سارعايعانىن، قارايعانىن كەتىرۋ ءۇشىن ءتىس پاستاسىمەن جاقسىلاپ ىسقىلاپ جۋساڭىز بولعانى.
12. قازىرگى كەزدە ۇيالى تەلەفون پايدالانبايتىن ادام جوق. بارلىعىمىزدا وسى ءبىر «جۇدىرىقتاي جۇت» بار. كوبىمىز ونى ءتۇرلى جاعدايدا پايدالانامىز. ءتىپتى قولىمىزدان تاستاماي ۇستاپ جۇرەمىز، تيىندارمەن بىرگە قالتامىزعا دا سالا سالامىز. وسىدان بولىپ ونىڭ بەتى سىزىلىپ، شۇبارلاپ كەتەدى. ونى 2-3 مىڭ تەڭگەگە اۋىستىراتىن ۋاقىت تا، اقشا دا بولا بەرمەيدى. وسىندايدا ءتىس پاستاسىمەن جاقسىلاپ ءسۇرتىپ قويساڭىز قالپىنا كەلەدى.
13. كوبىمىز جۇمىس ىستەپ وتىرىپ تاماقتانامىز. ستولىمىزعا كەيدە سۋ تولى ستاكاندى قويا سالامىز. ارتىنشا ستولدىڭ ءۇستى كەسە ءتۇبىنىڭ دوڭگەلەك ىزىنە تولادى. وسىدان قۇتىلۋ ءۇشىن ءتىس پاستاسىمەن سۇرتسەڭىز بولعانى.
14. ءاپپاق كويلەگىڭىزگە قالامنىڭ سياسى نەمەسە ەرىن بوياۋىنىڭ داعى جۇعىپ قالسا ءتىس پاستاسى ارالاسقان سۋمەن جۋىپ كورىڭىز.
Massaget.kz
