قىتايدا قازاقستاننىڭ ءبىلىم كۇندەرى ءوتىپ جاتىر

 شارانىڭ ماقساتى -  قىتايلىق جاستاردى وتاندىق ۋنيۆەرسيتەتتەرگە تارتۋ، ەكى ەلدىڭ ءبىلىم سالاسىنداعى جەتىستىكتەرىن ودان ءارى دامىتۋ.

قازاقستان الداعى ۋاقىتتا ورتالىق ازيادا ءبىلىم حابىن قۇرۋدى جوسپارلاپ وتىر. سوندىقتان وزگە ەلدەرمەن بۇل سالاداعى ارىپتەستىكتى نىعايتۋعا بار كۇشىن سالىپ جاتىر. بيىل الەمنىڭ 7 مەملەكەتىندە قازاقستاننىڭ وسىنداي ءبىلىم كۇندەرى وتكىزىلدى. ال ىرگەلەس جاتقان قىتاي حالىق رەسپۋبليكاسىمەن بايلانىس تىپتەن تىعىز.

 زۋلفيا تورەبەكوۆا، «حالىقارىلىق باعدارلامالار ورتالىعى» ا ق ۆيتسە- پرەزيدەنتى:

 - جالپى بۇگىنگى كۇنى قازاقستاندا 13 مىڭعا جۋىق شەتەل ازاماتى ءبىلىم الاتىن بولسا، ولاردىڭ 1700- ءى وسى قىتاي ەلىنەن كەلگەن ازاماتتار. ءبىزدىڭ قازاقستاندىق ازاماتتاردىڭ 13 مىڭعا جۋىعى ءدال سونداي ساندا قىتايدىڭ ج و و ءبىلىم الىپ جاتىر.

ءبىلىم سالاسىنداعى ارىپتەستىكتىڭ تابىستى ناتيجەسى كوپ كۇتتىرگەن جوق. قازاقستاننىڭ مىڭداعان جاسى قىتايدىڭ وزىق ۋنيۆەرسيتەتتەرىندە ءبىلىم الىپ، مىقتى ماماندىقتى مەڭگەردى. قازىر ەل يگىلىگى ءۇشىن ەڭبەك ەتىپ جاتىر. ستراتەگيالىق سەرىكتەسىمىزدىڭ ستۋدەنتتەرى دە قازاق تىلىندە سويلەپ، بولاشاعىن ءبىزدىڭ ەلمەن بايلانىستىرعىسى كەلەدى.

 چجوۋ ۆەنتسين، ورتالىق ۇلتتار ۋنيۆەرسيتەتىنىڭ ستۋدەنتى:

- مەن ورتالىق ۇلتتار ۋنيۆەرسيتەتىندە قازاق ءتىلى مەن ادەبيەتىن وقيمىن. بيىل جازدا، بيىل جاز ماۋسىمىندا مەن شىنجاڭعا بارىپ، قازاق ءتىلى پراكتيكاسىن جاساعاندا كوپتەگەن اپاي، اعاي جانە قازاق دوستارىممەن بىرگە كوڭىلدى ساتتەردى وتكىزدىم. وقۋدى بىتىرگەن سوڭ قازاقستانعا باراتىن ويىم بار.

 قىتايدىڭ ۇلكەن قالالارىن ارالاپ جۇرگەن دەلەگاتسيانىڭ قۇرامىندا قازاقستاندىق 20 جوعارى وقۋ ورنىنىڭ باسشىسى بار. ولار بۇل شارا ارقىلى كورشىلەس ەلگە ءوز مەكەمەسىنىڭ الەۋەتىن تانىستىرۋعا مۇمكىندىك الدى. ارىپتەستەرىمەن قول الىسىپ، بولاشاقتاعى ىستەردىڭ جاي- جاپسارىن تالقىلادى.

ءابدىمۇتالىپ ءابجاپپاروۆ، كوكشەتاۋ مەملەكەتتىك ۋنيۆەرسيتەتىنىڭ رەكتورى:

- وسى ىنتىماقتاستىقتىڭ ارقاسىندا ءبىز قىتاي رەسپۋبليكاسىنىڭ جوعارى وقۋ ورىندارىمەن كەلىسىمشارتتارعا قول قويىپ، ستۋدەنتتەرمەن الماسۋ، ۇستازدارمەن الماسۋ، ورتاق عىلىمي جوبالار جاساۋ، قوس ديپلومدى ءبىلىم بەرۋ شارالارىن كەلىسىپ جاتىرمىز. العاشقى كۇندەردىڭ ناتيجەسى وتە جاقسى.

 جەلتوقساننىڭ 15- كۇنى قازاقستاننىڭ ءبىلىم كۇنىن شينحۋا ۋنيۆەرسيتەتىندە وتكىزىلەدى. بۇعان دەيىن دەلەگاتسيا شاڭحاي قالاسىنداعى فۋدان جوعارى وقۋ ورنىندا ەكى كۇن بولىپ، ءدال وسىنداي شارالار ۇيىمداستىردى.

 اۆتورلارى: نۇربەك بەكەن، جاڭ ءسۇي

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى