وزبەكستان كەدەندىك ەكسپورت تولەمدەرىن الىپ تاستادى

 دەپ حابارلايدى قازاقپارات.

اتاپ ايتقاندا، وسى ماسەلەگە بايلانىستى قول قويىلعان جارلىقتا بارلىق تاۋار تۇرلەرىنە كەدەندىك تولەمدەر الىنىپ تاستايدى. سونىمەن قاتار ەرەكشە قاداعالاناتىن تاۋارلاردى ەسەپتەمەگەندە تاۋارلاردىڭ ەكسپورتىن ليسەنزيالاۋ دا الىنىپ تاستالدى.

بۇعان قوسا ءوز ونىمدەرىن ەكسپورتقا شىعاراتىن كاسىپورىندارعا سىرتقى نارىقتارعا ماركەتينگتىك زەرتتەۋلەر جۇرگىزۋ ءۇشىن جانە جەكە ءوز ونىمدەرىن جارنامالاۋ ماقساتىندا شەت مەملەكەتتەردەن ساۋدا ۇيلەرى مەن وكىلدىكتەردى اشۋعا رۇقسات ەتىلگەن.

سونىمەن قاتار وسى جارلىقتا وزبەكستانعا يمپورتتاۋعا تىيىم سالىنعان تاۋارلاردىڭ ءتىزىمى كورسەتىلگەن. ونىڭ قۇرامىنا وزبەكستاننىڭ مەملەكەتتىك جانە قوعامدىق قۇرىلىمىن، تەرريتوريالىق تۇتاستىعىن، مەملەكەتتىك تاۋەلسىزدىك پەن ساياسي تاۋەلسىزدىگىن بۇزۋعا، سوعىس پەن تەرروريزمدى، زورلىق- زومبىلىق پەن ناسىلشىلدىك پەن دىنشىلدىكتى ناسيحاتتاۋعا باعىتتالعان، سونداي- اق پورنوگرافيالىق باسپا ونىمدەرى مەن قولجازبالاردى، كليشە، سۋرەتتەر مەن فوتوتۇسىرىلمدەر مەن فوتوپلەنكالار، كينو جانە اۋديوونىمدەر سياقتى وزگە دە دۇنيەلەر بار.

ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى