بەيجىڭدە وتەتىن قىسقى وليمپيادا ويىندارىنىڭ لوگوتيپى جاريالاندى

بەيجىڭ قالاسىنداعى ۇلتتىق سۋ سپورتى وليمپيادا ورتالىعىندا وتكىزىلگەن شاراعا حالىقارالىق وليمپيادا كوميتەتىنىڭ (ح و ك) پرەزيدەنتى توماس باح، ق ح ر مەملەكەتتىك كەڭەسىنىڭ ورىنباسار پرەمەرى چجان گاولي، بەيجىڭ قالاسى اكىمى جانە بەيجىڭ قىسقى وليمپيادا ۇيىمداستىرۋ كوميتەتى ءتوراعاسى تساي تسي قاتىستى.

شينحۋا اقپارات اگەنتتىگىنىنىڭ حابارلاۋىنشا، XXIV قىسقى وليمپيادا ويىندارى لوگاتيپى قىتايدىڭ «قىس» (冬) دەگەن يەروگرليفىنە ۇقساتىلىپ جوبالانىپ، «قىسقى ارمان» دەپ اتالدى. ال XIII پاراليمپيادا ويىندارى لوگاتيپى قىتايدىڭ «ۇشۋ» (飞) ءارپى نەگىزىندە جوبالانىپ، «سامعاۋ» دەپ اتالدى.

ايتا كەتەيىك، بەيجىڭ قالاسى 2015-جىلعى حالىقارالىق وليمپيادا كوميتەتىنىڭ 128- سەسسياسىندا 44 داۋىس جيناپ XXIV قىسقى وليمپيادا جانە XIII پاراليمپيادا ويىندارىن وتكىزۋ مارتەبەسىن جەڭىپ الدى.

اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى