تاۋەلسىزدىك كۇنىندە شەتەلدىك انشىلەر نازاربايەۆتىڭ ءانىن ورىندادى
كونسەرتتىك ءنومىر ۆيدەوسىن QAZAQSTAN ارناسىنىڭ باسقارما ءتوراعاسى ەرلان قارين الەۋمەتتىك جەلىدە جاريالادى.
ايتا كەتەيىك، «ەلىم مەنىڭ» ءانىنىڭ ءسوزىن نۇرسۇلتان نازاربايەۆ، اۋەنىن - بەكبولات تىلەۋحان جازعان.
ەسكە سالا كەتسەك، «Qazaqstan» ۇلتتىق ارناسىندا 30- قىركۇيەكتەن باستاپ «جىبەك جولى جۇلدىزدارى» جوباسى كورسەتىلىپ كەلەدى.
ايتا كەتەرلىگى، وتاندىق تەليەۆيدەنيەدە مۇنداي دەڭگەيدەگى حالىقارالىق مۋزىكالىق تەلەجوبا بۇرىن-سوڭدى بولماعان. جوبانىڭ نەگىزگى ماقساتى - وسى ارقىلى قازاق مۋزىكاسىن كەڭ تۇرعىدا ناسيحاتتاپ، شەت ەلدەردە تانىتۋ.
«جىبەك جولى جۇلدىزى» جوباسىنا 9 ەلدىڭ، اتاپ ايتقاندا، قازاقستان، قىرعىزستان، تاجىكستان، وزبەكستان، تۇركيا، ازەربايجان، گرۋزيا، رەسەي فەدەراتسياسىنىڭ تاتارستان، باشقۇرستان سياقتى ەلدەرىنىڭ جارقىن جۇلدىزدارى ءبىر ساحنادا باق سىناستى.
اۆتور: ايجان سەرىكجان قىزى
