الماتىلىقتار تاۋەلسىزدىك مونۋمەنتىنە گۇل شوقتارىن قويدى - فوتو
شاراعا قالالىق اكىمدىك وكىلدەرى، ارداگەرلەر كەڭەسىنىڭ مۇشەلەرى، ساياسي پارتيالار مەن قوعامدىق ۇيىمدار، 1986-جىلعى جەلتوقسان وقيعاسىنا قاتىسۋشىلار، ۇكىمەتتىك ەمەس ۇيىمدار، اۋعان سوعىسىنىڭ ارداگەرلەرى، چەرنوبىل اپاتىنىڭ سالدارىن زارارسىزداندىرۋعا قاتىسقان ازاماتتار، جاستار ۇيىمدارى قاتىستى.
«بۇگىن ەلىمىز ءۇشىن ەڭ ماڭىزدى كۇن. قازاق تاريحىندا اتا-بابامىز تاۋەلسىزدىك ءۇشىن جانىن پيدا ەتكەن. مىنە، وسى ماقساتقا جەتكەنىمىزگە 26 جىل بولدى. وسى ۋاقىتتا قۋاتتى ەكونوميكا قالىپتاستى.
الەۋمەتتىك، عىلىم، ءبىلىم سالاسى قارقىندى دامىپ كەلەدى. قازاقستان ينۆەستيتسيا تارتۋدا ورتالىق ازيادا جەتەكشى ءرول ويناپ كەلەدى. ال دامىعان ەلدىڭ 30 دىعىنا ەنۋ تۋرالى ماقسات قول جەتكىزۋگە بولاتىن مەجە دەپ سانايمىن. بارلىقتارىڭىزدى تاۋەلسىزدىك كۇنىمەن قۇتتىقتايمىن»، - دەدى تۇران ۋنيۆەرسيتەتىنىڭ رەكتورى، قوعامدىق كەڭەس ءتوراعاسى راحمان الشانوۆ.
جيىن سوڭىندا اسكەري-ۇرمەلى وركەستردىڭ مۋزىكالىق سۇيەمەلدەۋىمەن الماتى وڭىرلىك گارنيزونىنىڭ اسكەريلەرى سالتاناتقا قاتىسۋشىلار الدىنان اسكەري ساپپەن ءوتتى.
سونىمەن قاتار، استانا الاڭىندا بۇگىن مەرەكەلىك كونسەرت وتەدى. كەش 21:00 دە مەرەكەلىك وتشاشۋمەن اياقتالادى.
قالانىڭ ءار اۋدانىندا كورمەلەر، مەرەكەلىك كەشتەر، تەاترلاندىرىلعان قويىلىمدار وتەدى.
