قانات يسلام كەلەسى كەزدەسۋىن قاشان وتكىزەتىنىن ايتىپ بەردى
- مەن ءبىرىنشى رەت ەلباسىنىڭ قولىنان سىيلىق الىپ وتىرمىن. سول ءۇشىن دە وتە قۋانىشتىمىن. مۇنداي اتاققا قول جەتكىزگەنىم مەن ءۇشىن ۇلكەن قۇرمەت. ەلباسى الداعى ۋاقىتتا بۇدان دا ۇلكەن جەتىستىككە جەتەتىنىمە سەنەتىنىن ايتتى. ءار سپورتشىنىڭ باستى ماقساتى - جەڭىسكە جەتىپ، ەلدىڭ اتاعىن شىعارىپ، بۇكىل الەمگە قازاقتىڭ كوك تۋتىن كوتەرۋ. مەن ماقساتتارىمەن جوسپارىم كوپ. ونىڭ ءبىرى - ءوسىپ كەلە جاتقان جاس قازاق بالالارىنا ۇلگى بولۋ.
- كەلەسى كەزدەسۋىڭىزدى قاشان وتكىزەسىز؟
- قازىر مەنىڭ كەلەسى كەزدەسۋىمنىڭ ماسەلەسى شەشىلىپ جاتىر. جاقىن ارادا ا ق ش- قا جول ءجۇرىپ، ناۋرىز ايىنا دەيىن ءبىر كەزدەسۋ وتكىزەمىن. سودان سوڭ ءبىز مامىر ايىندا استانادا ەلودامىزدىڭ 20 جىلدىعىنا وراي ءبىر كەزدەسۋ وتكىزۋ ويدا بار. وسى كەزدەسۋلەرگە دايىندالىپ جاتىرمىن.
ەسكە سالايىق، بۇگىن قازاقستان پرەزيدەنتى نۇرسۇلتان نازاربايەۆ قانات يسلامدى «قۇرمەت» وردەنىمەن ماراپاتتادى. «قۇرمەت» وردەنى 1993-جىلى بەكىتىلگەن بولاتىن. «قۇرمەت» وردەنى ەكونوميكا، الەۋمەتتىك سالالاردا، عىلىم مەن مادەنيەت، ءبىلىم بەرۋ، مەملەكەتىتك ورگاندارداعى ۇلگىلى قىزمەتى مەن قوعامدىق جۇمىستارعا بەلسەندى ارالاسقان ازاماتتارعا بەرىلەدى. وردەننىڭ دارەجەلەرى جوق.
ايتا كەتەيىك، قاراشا ايىنىڭ سوڭىندا بۇكىلالەمدىك بوكس كەڭەسى (WBA) قانات يسلام مەن وسى سالماقتا رەيتينگتە ەكىنشى تۇرعان امەريكالىق دجون ۆەرا اراسىنداعى كەزدەسۋدىڭ ءوتۋىن مىندەتتەگەن ەدى. بۇل كەزدەسۋدە جەڭىسكە جەتكەن بوكسشى چەمپيونننىڭ مىندەتتى قارسىلاسى بولادى. ەكى بوكسشىنىڭ كومانداسىندا جەكپە-جەكتى ۇيىمداستىرۋعا 30 كۇن بار. كەرى جاعدايدا كەزدەسۋ ءباسساۋداعا قويلادى.
قانات يسلام سوڭعى كەزدەسۋىن 9- قىركۇيەك كۇنى ەلوردامىز استانا قالاسىندا وتكىزىپ، كانادالىق برەندون كۋكتى (18-1, 11 ك و) توعىزىنشى راۋندتا تەحنيكالىق نوكاۋتپەن جەڭدى. وسىلايشا وتانداسىمىز WBO NABO جانە WBA Inter- Continental بەلبەۋلەرىن ساقتاپ قالدى.
