ديماش قۇدايبەرگەن قىتايدىڭ ورتالىق تەلەارناسىنا سۇحبات بەردى

ول ءوزىنىڭ ونەر ادامى رەتىندە قالىپتاسۋ جولىن بايانداي كەلە حاكىم ابايدىڭ ولەڭىنەن مىسال كەلتىردى: «اسەمپاز بولما ارنەگە، ونەرپاز بولساڭ ارقالان» .

ودان ءارى ءانشى بالا كۇنىنەن كوپ ەڭبەكتەنگەنىن، 5-6 جاس شاماسىنان جارتى كۇن ءبىلىم الىپ، جارتى كۇن مۋزىكالىق مەكتەپكە بارىپ ءتالىم العانىن جەتكىزدى.

سونداي-اق، ديماش قىتايدا وتكەن Singer 2017 جوباسى ونىڭ ءومىرىن ايقىنداپ بەرگەنىن، سول جوبا ارقىلى ول حالىققا تانىلعانىن اتاپ ءوتتى.

ايتا كەتەيىك، ديماش قۇدايبەرگەن قىتايعا العاشقى الەمدىك دەڭگەيدەگى جەكە شىعارماشىلىق كەشىن وتكىزۋ ءۇشىن بارعان.

ەستەرىڭىزگە سالا كەتەيىك، قازاقستاندىق ءانشى Singer 2017 حالىقارالىق فەستيۆالىندە ەكىنشى ورىن العان بولاتىن. بۇل جەڭىسىنەن كەيىن قىتايدا جانە ءبىرقاتار ازيا ەلدەرىندە ديماشتىڭ ونەرىنە تابىنۋشىلار پايدا بولعان ەدى.

اۆتور:   ەربول جانات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى